హైదరాబాద్‌: నోట్ల రద్దు విఫల ప్రయత్నమని ప్రధాని నరేంద్ర మోదీ భావిస్తున్నారా? అని భారాస కార్యనిర్వాహక అధ్యక్షుడు కేటీఆర్ ప్రశ్నించారు. మోదీ ఇటీవల సభలో మాట్లాడిన ప్రకారం.. కాంగ్రెస్‌కు అదానీ, అంబానీలు టెంపోల నిండుగా డబ్బు పంపుతుంటే.. ఈడీ, సీబీఐ, ఐటీ ఎందుకు మౌనంగా ఉన్నాయని నిలదీశారు. 

ప్రజలు ఆలోచించి ఓటు హక్కును వినియోగించుకోవాలని కేటీఆర్ కోరారు. కాంగ్రెస్ ప్రభుత్వంలో కరెంట్ కోతలున్నాయని ఆరోపించారు. ప్రజలు ఇన్వర్టర్లు, ఛార్జింగ్ లైట్లు, టార్చ్ లైట్లు, క్యాండిళ్లు, జనరేటర్లు, పవర్ బ్యాంకులు అనే ఆరు గ్యారంటీలను సిద్ధంగా ఉంచుకోవాలంటూ సర్కారు పనితీరును ఎద్దేవా చేశారు.