పెరుగుతున్న విమాన ప్రయాణికుల సంఖ్య 

న్యూదిల్లీ: కరోనా విజృంభణతో అంతర్జాతీయ సర్వీసులతో పాటు దేశీయ విమాన సర్వీసుల కార్యకలాపాలు రెండు నెలల పాటు నిలిచిపోయాయి. మార్చి 25న రద్దయిన దేశీయ విమాన సర్వీసుల సేవలు తిరిగి మే 25న ప్రారంభమయ్యాయి. కొవిడ్‌-19 భయంతో విమానాల్లో ప్రయాణించటానికి తొలుత ప్రజలు కొంత మేర వెనకడుగు వేసినా ఇటీవల ప్రయాణికుల సంఖ్య పెరిగింది. ఈ నేపథ్యంలో ఆదివారం ఒక్క రోజే 1,458 దేశీయ విమానాల్లో ప్రయాణించిన వారి సంఖ్య 1,68,860కి పెరిగినట్లు విమానయాన శాఖ మంత్రి హర్దీప్‌ సింగ్‌ పూరీ ట్విటర్‌ వేదికగా తెలిపారు. విమానయానంలో రంగం నెమ్మదిగా కుదురుకుంటోందని కరోనాకు ముందు ఉన్న పరిస్థితులు ఏర్పడుతున్నట్లు కేంద్ర మంత్రి పేర్కొన్నారు.