Polavaram project: పోలవరం ప్రాజెక్టుపై కేంద్రం కీలక నిర్ణయం

దిల్లీ: పోలవరం ప్రాజెక్టుపై కేంద్రం కీలక నిర్ణయం తీసుకుంది. నాలుగైదు రోజుల్లో కార్యాచరణ ప్రణాళిక సిద్ధం చేయాలని కేంద్ర జల్‌శక్తి శాఖ నిర్ణయించింది. పోలవరంపై అంతర్గత సమీక్షలో ఈ నిర్ణయానికి వచ్చినట్లు తెలుస్తోంది. యాక్షన్ ప్లాన్‌ మేరకు ప్రాజెక్టు నిర్మాణం కొనసాగించేందుకు కేంద్రం సిద్ధమవుతోంది. జల్‌శక్తి శాఖ సలహాదారు వెదిరే శ్రీరామ్‌కు యాక్షన్‌ ప్లాన్‌ తయారీ బాధ్యతలు అప్పగించింది. డయాఫ్రం వాల్‌, గైడ్‌బండ్‌పై అధ్యయనం చేస్తున్న సంస్థతో కార్యాచరణ రూపొందించాలని నిర్దేశించింది. తద్వారా ప్రాజెక్టు వద్ద లోటుపాట్లు బయటపడే అవకాశం ఉందని కేంద్రం భావిస్తోంది.