Skin care: టాన్‌ బాధిస్తోందా.. ఇలా చేయండి!

ఇంటర్నెట్‌ డెస్క్‌: ఎండలు బాబోయ్‌ ఎండలు...! ఈ వేసవిలో చర్మానికి వచ్చే సమస్యలు ఒకటీ రెండూ కాదు. అందులో టాన్‌ సమస్య ఒకటి. మరి సమస్య ఉంటే పరిష్కార మార్గాలు కూడా ఉంటాయి కదా!

రోజూ ముఖాన్ని కడుక్కోవాలి: రోజూ ముఖాన్ని శుభ్రంగా కడుక్కోవడం ద్వారా అందమైన ముఖ సౌందర్యం మీ సొంతమవుతుంది. సూర్యుని నుంచి వచ్చే అతినీలలోహిత కిరణాల నుంచి రక్షణనిస్తుంది. డార్క్‌ స్పాట్స్‌ను తగ్గిస్తుంది. రోజుకి రెండుసార్లు ఫేస్‌ వాష్‌ చేసుకోవాలి.

ఫేస్‌ సీరం: డామేజ్‌ అయిన చర్మాన్ని ఫేస్‌ సీరం కాపాడుతుంది. డార్క్ సర్కిల్స్‌ను తొలగిస్తుంది. చర్మాన్ని కాంతివంతంగా చేస్తుంది. మంచి సీరం చర్మాన్ని మాయ చేసినట్లు మెరిపిస్తుంది.

స్ర్కబ్‌ చేసుకోండి:  మీరు ఎన్ని క్రీములు వాడినా వారానికి రెండుసార్లు తప్పనిసరిగా స్ర్కబ్‌ చేయడం మర్చిపోవద్దు. ఇలా చేయడం ద్వారా చర్మం ఎక్సోఫోలియేట్‌ అయ్యి కాంతివంతంగా ఉండడానికి అవకాశం ఉంటుంది. కలబంద, గులాబి ఉన్న స్ర్కబ్‌ను వాడటం ఉత్తమం.

శరీరం డీహైడ్రేట్‌ కాకుండా చూసుకోండి: ముఖ్యంగా వేసవిలో శరీరం డీహైడ్రేట్‌ అవుతుంది. అలా కాకుండా జాగ్రత్తలు తీసుకోవాలి. వీటితో పాటు పండ్ల రసాలు, నీటిని ఎక్కువగా తీసుకోవాలి. రోజూ వ్యాయామం చేయాలి. ఈ చిన్న చిన్న పద్ధతులతో ఆరోగ్యవంతమైన, అందమైన చర్మాన్ని మీ సొంతం చేసుకోండి.!