TS: వర్సిటీల్లో ఈడబ్ల్యూఎస్‌ కోటా అమలు

హైదరాబాద్‌: తెలంగాణలోని వ్యవసాయ, పశుసంవర్థక వర్సిటీల పరిధిలో చేపట్టే నియామకాల్లో ఆర్థికంగా వెనకబడిన వర్గాలకు (ఈడబ్ల్యూఎస్‌) రిజర్వేషన్లు అమలు కానున్నాయి. రెండు విశ్వవిద్యాలయాల్లో కలిపి 127 సీనియర్, జూనియర్ అసిస్టెంట్, టైపిస్ట్ పోస్టులకు ఈ ఏడాది మార్చి 31న తెలంగాణ పబ్లిక్ సర్వీస్ కమిషన్ (టీఎస్‌పీఎస్‌సీ) నోటిఫికేషన్ జారీ చేసింది. ఈడబ్ల్యూఎస్‌ కోటా అమలు నేపథ్యంలో మార్చి 31న జారీ చేసిన నోటిఫికేషన్‌కు తాజాగా టీఎస్‌పీఎస్‌సీ అనుబంధ నోటిఫికేషన్‌ను జారీ చేసింది. ఈ నోటిఫికేషన్‌లోని పోస్టులకు 10 శాతం ఈడబ్ల్యూఎస్ కోటాను వర్తింపజేస్తూ రోస్టర్ పాయింట్లను సైతం ఖరారు చేసింది. ఈ పోస్టులకు ఈనెల 19 నుంచి మే 20వ తేదీ వరకు దరఖాస్తు చేసుకోవచ్చని టీఎస్‌పీఎస్‌సీ తెలిపింది.