కంట్రోల్‌ రూంల ద్వారా నిరంతర పర్యవేక్షణ

ఏపీ డీజీపీ గౌతం సవాంగ్‌

అమరావతి: ప్రధాని నరేంద్రమోదీ పిలుపుమేరకు రేపు దేశవ్యాప్తంగా నిర్వహించనున్న జనతా కర్ఫ్యూ పాటిద్దామని.. ఇంట్లోనే ఉంటూ మద్దతు తెలపాల్సిందిగా ఏపీ డీజీపీ గౌతం సవాంగ్‌ ప్రజలకు విజ్ఞప్తి చేశారు. జనతా కర్ఫ్యూని ప్రజలంతా స్వచ్ఛందంగా పాటించాలని సూచించారు. అత్యవసర సేవలు అందించేందుకు రేపు స్టేషన్లలో పోలీసులు అందుబాటులో ఉండాలంటూ డీజీపీ ఆదేశాల జారీ చేశారు. కర్ఫ్యూ నేపథ్యంలో పోలీస్‌ కంట్రోల్‌ రూంల ద్వారా నిరంతరం పర్యవేక్షణ ఉంటుందని డీజీపీ వివరించారు. డయల్‌ 100 ద్వారా సేవలు పొందాలని ప్రజలకు డీజీపీ విజ్ఞప్తి చేశారు.