Hyderabad-Vijayawada: చౌటుప్పల్‌ నుంచి ఎల్బీనగర్‌ వరకు వాహనదారుల అవస్థలు

హైదరాబాద్‌: విజయవాడ-హైదరాబాద్‌ జాతీయ రహదారి(NH 65)పై వాహనదారులు అవస్థలు పడుతున్నారు. ఎల్బీనగర్‌ నుంచి యాదాద్రి భువనగిరి జిల్లా దండుమల్కాపూర్‌ వరకు రోడ్డు విస్తరణ పనులు జరుగుతున్నాయి. దీంతో మల్కాపూర్‌ నుంచి ఎల్బీనగర్‌ వరకు భారీగా వాహనాల రద్దీ ఏర్పడింది. తూప్రాన్‌ నుంచి కొత్తగూడెం వరకు వాహనాలు నిలిచిపోయాయి. చౌటుప్పల్‌లోనూ హైదారాబాద్‌ వైపు వాహనాలు స్తంభించాయి. రహదారి విస్తవరణ పనుల వల్ల వాహనాలు నెమ్మదిగా కదులుతున్నాయి. ట్రాఫిక్ స్తంభించడంతో వాహనదారులు ఇబ్బంది పడుతున్నారు. రహదారి విస్తరణ పనులతో పాటు, వారాంతం, ఇవాళ వివాహాలు ఎక్కువగా ఉండటం, రాఖీ పండుగకు వెళ్లి తిరుగు పయనం అవుతున్న వారితో రద్దీ మరింత పెరిగింది.