Raja Singh: ఎమ్మెల్యే రాజాసింగ్‌కు షోకాజ్‌ నోటీసులు

హైదరాబాద్‌: రెచ్చగొట్టే వ్యాఖ్యలు చేశారని గోషామహల్‌ ఎమ్మెల్యే రాజాసింగ్‌కు మంగళ్‌హాట్‌ పోలీసులు రెండు షోకాజ్‌ నోటీసులను జారీ చేశారు. ఇటీవల ఆయన చేసిన వ్యాఖ్యలు రెచ్చగొట్టేలా ఉన్నాయంటూ ఆ నోటీసుల్లో పోలీసులు పేర్కొన్నారు. ఈ మేరకు సామాజిక మాధ్యమాల్లో రెచ్చగొట్టే వ్యాఖ్యలు చేయొద్దని ఇటీవల హైకోర్టు ఆదేశించింది. అయినప్పటికీ రాజాసింగ్‌ హైకోర్టు ఆదేశాలను ఉల్లంఘించారని పోలీసులు పేర్కొన్నారు. చర్యలు ఎందుకు తీసుకోవద్దో సంజాయిషీ ఇవ్వాలని నోటీసుల్లో పేర్కొన్నారు. అయోధ్య, అక్బర్‌ గురించి రాజాసింగ్‌ వేర్వేరుగా పోస్టులు చేశారు.