Updated : 19 Jul 2021 20:29 IST

వధువు-వరుడు జంటగా జంప్‌

ఇంటర్నెట్‌డెస్క్‌: తాళి కట్టే వేళ పెళ్లికూతురు వెళ్లిపోయిందని చాలాసార్లు విన్నాం. పెళ్లి పీటల మీద నుంచి వరుడు కనిపించకుండా పోయిన సన్నివేశం ఎన్నోసార్లు చూశాం. కానీ, చిత్రంగా పెళ్లి పీటల నుంచి వధువు-వరుడు ఇద్దరు కలిసి పారిపోయిన సంఘటన ఒడిశాలో చోటు చేసుకుంది. ఇంతకీ వాళ్లిద్దరికి వచ్చిన కష్టం ఏంటంటే.. కొవిడ్‌-19 నిబంధనలు పాటించడం లేదనీ, అతిథులు ఎక్కువగా వచ్చారని పోలీసులు ఆ పెళ్లిలో చేసిన హడావుడినే. పోలీసులు ప్రశ్నలతో హింసిస్తారనీ, కేసు నమోదు చేస్తారనే భయంతోనే పెళ్లికొడుకు, పెళ్లికూతురు ఇలా వెళ్లిపోయారని బంధువులు చెబుతున్నారు. ఈ చిత్రమైన సంఘటన బాలాసోర్‌ జిల్లాలోని చాపులియా చౌక్‌లో చోటు చేసుకుంది. కరోనా వ్యాప్తి చెందకుండా ఒడిశా పోలీసులు పెళ్లికి యాభై మందికి మంచి హాజరు కాకూడదనే నిబంధనను కఠినంగా అమలు చేస్తున్నారు. ఈ పెళ్లికి దాదాపు 200 మందికిపైగా అతిథులు వచ్చినట్టు సమాచారం. ముహుర్తానికి ముందే కనిపించకుండా పోయిన ఆ పడుచు జంట ఆచూకీ ఇప్పటికీ తెలియరావడం లేదట.

Read latest General News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts