చంద్రబాబుకు ప్రముఖుల జన్మదిన శుభాకాంక్షలు

అమరావతి: తెదేపా అధినేత చంద్రబాబు పుట్టిన రోజు సందర్భంగా పలువురు ప్రముఖులు శుభాకాంక్షలు తెలిపారు. ఎక్స్‌ వేదికగా చంద్రబాబుకు ప్రధాని మోదీ శుభాకాంక్షలు చెప్పారు.అనుభవజ్ఞుడైన నాయకుడు, నిరంతం ఆంధ్రప్రదేశ్‌ సర్వతోముఖాభివృద్ధికి అంకితమైన నేత అని కొనియాడారు. సంపూర్ణ ఆయురారోగ్యాలతో ప్రజాసేవలో కొనసాగాలని ఆకాంక్షించారు.

రాజకీయంగా, పరిపాలనా పరంగా చంద్రబాబు అనుభవజ్ఞులని జనసేన అధినేత పవన్‌ కొనియాడారు. ‘నిరంతరం రాష్ట్రం గురించే చంద్రబాబు ఆలోచిస్తారు. వైకాపా పెట్టిన కేసులతో జైల్లో ఉన్నా ఆయన మనో నిబ్బరం కోల్పోలేదు. రాష్ట్రాభివృద్ధి కోసం దూరదృష్టితో ఆలోచన చేసే నాయకుడు. చంద్రబాబుకు సంపూర్ణ ఆయురారోగ్యాలు అందించాలని భగవంతుడిని ప్రార్థిస్తున్నా’ అని పవన్‌ తెలిపారు. 

అహర్నిశలు ప్రజల మధ్యనే ఉంటూ, ప్రజా సంక్షేమం కోసం పాటుపడే చంద్రబాబునాయుడికి జన్మదిన శుభాకాంక్షలు అని చిరంజీవి ఎక్స్‌లో పోస్టు చేశారు. భగవంతుడు ఆయనకు సంపూర్ణ ఆయురారోగ్యాలు ప్రసాదించాలని ఆకాంక్షించారు.