TTD: శ్రీనివాస దివ్యానుగ్రహ విశేషహోమం టికెట్లు ఆన్‌లైన్‌లో 16న విడుదల

తిరుమల: హిందూ సనాతన ధర్మప్రచారంలో భాగంగా అలిపిరిలోని సప్తగోప్రదక్షిణ మందిరంలో ఈనెల 23 నుంచి శ్రీశ్రీనివాస దివ్యానుగ్రహ విశేష హోమం నిర్వహించాలని తితిదే నిర్ణయించింది. ఇందుకోసం 16న మధ్యాహ్నం 2 గంటలకు ఆన్‌లైన్‌లో టికెట్లను తితిదే విడుదల చేయనుంది. టికెట్‌ ధర రూ.1000లుగా నిర్ణయించారు. ఒక టికెట్‌పై ఇద్దరిని అనుమతిస్తారని అధికారులు తెలిపారు. భక్తులు https://ttdevasthanams.ap.gov.in వెబ్‌సైట్‌లో టికెట్లు బుక్ చేసుకోవాల‌ని తితిదే అధికారులు తెలిపారు. హోమం ఏర్పాట్లను బుధవారం జేఈవో వీరబ్రహ్మం పరిశీలించారు. హోమం నిర్వహణకు, భక్తులు కూర్చునేందుకు వీలుగా తగిన ఏర్పాట్లు చేయాలని అధికారులను ఆదేశించారు.