TTD: తిరుమల శ్రీవారిసేవ పేరుతో టికెట్లు విక్రయించిన వ్యక్తి అరెస్టు

తిరుమల: తిరుమల శ్రీవారి సేవ టికెట్లు అంటూ సుపథం ప్రత్యేక ప్రవేశ దర్శనం టికెట్లను అధిక ధరకు విక్రయించి.. భక్తులను మోసం చేసిన వ్యక్తిని అరెస్టు చేశామని తిరుమల ఏఎస్పీ మునిరామయ్య తెలిపారు. కాణిపాకం దేవస్థానంలో గ్యాస్‌ టెక్నీషియన్‌గా పనిచేస్తున్న కాంట్రాక్టు ఉద్యోగి కరుణ ..కాణిపాకం దేవస్థానం ఏఈవో సిఫార్సు లేఖపై తితిదే ఛైర్మన్‌ కార్యాలయంలో టికెట్లు పొందారు. ఆ టికెట్లను కర్ణాటకలోని చింతామణికి చెందిన భక్తులకు రూ.32వేలకు శ్రీవారి సేవ దర్శన టికెట్లు అని చెప్పి విక్రయించడంతో వారు తితిదే విజిలెన్స్‌ అధికారులను ఆశ్రయించారు. కరుణను అదుపులోకి తీసుకున్నామని, ఏఈవో మాధవరెడ్డిని కూడా విచారిస్తున్నామని ఏఎస్పీ తెలిపారు.