TS Eamcet: రేపు ఉదయం ఎంసెట్‌, ఈసెట్‌ ఫలితాలు విడుదల

హైదరాబాద్‌: తెలంగాణలో ఎంసెట్‌, ఈసెట్‌ ఫలితాలు శుక్రవారం విడుదల కానున్నాయి. ఉదయం 11.15 గంటలకు ఈసెట్, ఉదయం 11.45గంటలకు ఎంసెట్‌ ఫలితాలను విద్యాశాఖ మంత్రి సబితా ఇంద్రారెడ్డి విడుదల చేయనున్నారు. ఎంసెట్‌, ఈసెట్‌ ఫలితాలను www.eenadu.netలో చూడొచ్చు.

గత నెల 18 నుంచి 21 వరకు ఇంజినీరింగ్‌, 30, 31న అగ్రికల్చర్‌, ఫార్మా ఎంసెట్‌ నిర్వహించారు. ఇంజినీరింగ్‌కు 1,56,812 మంది, అగ్రికల్చర్‌, ఫార్మా కోర్సుల కోసం 80,575 మంది విద్యార్థులు పరీక్షలు రాశారని ఎంసెట్‌ కన్వీనర్‌ ఎ.గోవర్ధన్‌ తెలిపారు. ప్రాథమిక సమాధానాలు విడుదల చేసి విద్యార్థుల నుంచి అభ్యంతరాలు స్వీకరించారు. తుది సమాధానాలతో పాటు ఫలితాలను ఎంసెట్‌ కమిటీ విశ్లేషించింది. దీంతో ఫలితాలు విడుదల చేయాలని నిర్ణయించారు. అదేవిధంగా పాలిటెక్నిక్ డిప్లొమా అభ్యర్థులు బీటెక్, బీఫార్మసీ రెండో సంవత్సరంలో చేరేందుకు ఆగస్టు 1న నిర్వహించిన ఈసెట్ పరీక్షకు 9,402మంది హాజరయ్యారు.