twitter blue tick: ట్విటర్‌ బ్లూ టిక్‌..! ఫన్నీ మీమ్స్‌.. చూస్తే నవ్వులే నవ్వుల్‌..!

ఇంటర్నెట్‌డెస్క్‌: ప్రముఖ సామాజిక మాధ్యమ వేదిక ట్విటర్‌ను ఎలన్‌మస్క్‌ సొంతం చేసుకున్న తర్వాత అనేక కీలక మార్పులకు శ్రీకారం చుట్టిన సంగతి తెలిసిందే. ఇందులో భాగంగా ట్విటర్‌ అకౌంట్‌లను అధికారికంగా గుర్తిస్తూ జారీ చేసే, బ్లూ టిక్‌ మార్కు కొనసాగాలంటే ప్రతి నెలా 8 అమెరికన్‌ డాలర్లు చెల్లించాలని షరతు విధించారు. కొందరు దీన్ని వ్యతిరేకించగా, మరికొందరు స్వాగతించారు. సెలబ్రిటీలు, అత్యధిక ఫాలోవర్లు, సమాజంలో  అతికొద్ది మందికి మాత్రమే సొంతమైన బ్లూటిక్‌ 7.99 అమెరికన్‌ డాలర్లు చెల్లిస్తే చాలు, ఎవరికైనా ట్విటర్‌ కేటాయిస్తోంది. దీంతో ఇప్పటివరకూ వెరిఫైడ్‌ కోసం వేచి చూసిన వాళ్లు, తమ ఖాతాకు బ్లూ టిక్‌ ఉండాలని ఆశించిన వారు ఆ మొత్తం చెల్లించి ఆ సేవను పొందుతున్నారు. దీంతో సోషల్‌మీడియాలో మీమ్స్‌ వెల్లువెత్తుతున్నాయి. పలు సినిమాల్లోని సన్నివేశాలను జోడించి వాటిని తీర్చిదిద్దిన విధానం చూస్తే నవ్వాగటం లేదు. బ్లూటిక్‌ సంగతి తర్వాత ముందు ఈ మీమ్స్‌ చూడండి.. అస్సలు నవ్వాగదు.