Viveka Murder Case: వివేకా హత్య కేసు.. విచారణ వాయిదా

హైదరాబాద్‌: మాజీ మంత్రి వైఎస్‌ వివేకానందరెడ్డి హత్య కేసుపై సీబీఐ కోర్టులో విచారణ జరిగింది. విచారణకు వైకాపా ఎంపీ అవినాష్‌రెడ్డి, మిగతా నిందితులు హాజరయ్యారు. అనంతరం విచారణను న్యాయస్థానం వచ్చేనెల 4కి వాయిదా వేసింది.

మరోవైపు ఇదే కేసులో ఎస్కార్ట్‌ బెయిల్‌ పొందిన నిందితుడు వైఎస్‌ భాస్కర్‌రెడ్డి చంచల్‌గూడ జైలు నుంచి విడుదలయ్యారు. అనారోగ్య కారణాల దృష్ట్యా ఆయనకు 12 రోజులపాటు సీబీఐ కోర్టు ఎస్కార్ట్‌ బెయిల్‌ మంజూరు చేసింది. జైలు నుంచి విడుదలైన అనంతరం గచ్చిబౌలిలోని ఏఐజీ ఆస్పత్రికి భాస్కర్‌రెడ్డి వెళ్లారు. హైదరాబాద్‌ విడిచి వెళ్లొద్దని ఆయన్ను న్యాయస్థానం ఆదేశించిన విషయం తెలిసిందే.