రఘువంశ్‌ ప్రసాద్‌ కన్నుమూత 

పట్నా: కేంద్ర మాజీమంత్రి రఘువంశ్‌ ప్రసాద్‌ సింగ్‌ అనారోగ్యంతో కన్నుమూశారు. దిల్లీ ఎయిమ్స్‌లో చికిత్స పొందుతున్న ఆయనకు వెంటిలేటర్‌ సాయంతో చికిత్స  అందించినప్పటికీ ఫలితం లేకపోయింది. కొవిడ్‌ నుంచి కోలుకున్న తర్వాత మళ్లీ అనారోగ్యానికి గురికావడంతో ఆయన దిల్లీ ఎయిమ్స్‌లో చేరారు. ఆసుపత్రిలో ఉన్న సమయంలోనే ఆర్జేడీకి రాజీనామా చేస్తున్నట్లు ప్రకటించారు. దాదాపు 32సంవత్సరాలు పార్టీలో కొనసాగిన ఆయన, ఆర్జేడీ అధినేత లాలూ ప్రసాద్‌యాదవ్‌కు రాజీనామా లేఖను పంపారు. లాలూ ప్రసాద్‌‌ కూడా రాంచీలోని రిమ్స్‌ ఆసుప్రతిలో చికిత్స పొందుతున్న విషయం తెలిసిందే.