బహిరంగ ప్రదేశాల్లోనే ప్రార్థనలు

జెరూసలెం(ఇజ్రాయిల్‌): కరోనా వేగంగా విస్తరిస్తున్న క్రమంలో ముందు జాగ్రత్త చర్యగా పలు మసీదులు మూసి వేస్తున్నట్లు ఇజ్రాయిల్‌లోని ముస్లిం మత పెద్దలు నిర్ణయించారు. ఈ మేరకు అన్ని ప్రార్థనలు మసీదు ప్రాంగణంలో బహిరంగ ప్రదేశాల్లో జరుగుతాయని అల్-అక్సా మసీదు డైరెక్టర్ ఒమర్ కిస్వానీ అన్నారు. అల్‌ అక్సా మసీదు, డోమ్‌ ఆఫ్‌ ది రాక్‌ మసీదుల తలుపులు మూసివేయనున్నారు.  కరోనా వ్యాప్తిని నివారించేందుకు ఈ నిర్ణయం తీసుకున్నట్లు పేర్కొన్నారు. తదుపరి నిర్ణయం ప్రకటించే వరకూ ఈ నిబంధన కొనసాగుతుందని తెలిపారు. కరోనాను అడ్డుకునేందుకు తమ దేశానికి మాస్కులు, మందులు అందించాలని ఇజ్రాయిల్‌ ప్రధాని బెంజిమన్‌ నెతన్యాహు భారత్‌ను కోరిన విషయం తెలిసిందే.