Published : 24 Nov 2021 10:23 IST

Supreme Court: సుప్రీం ఎదుట చొక్కా విప్పి.. జిల్లా జడ్జి నిరసన

దిల్లీ: సుప్రీం కోర్టు ఎదుట ఓ జిల్లా కోర్టు న్యాయమూర్తి తన చొక్కా విప్పి, అర్ధనగ్న ప్రదర్శనకు దిగారు. ఓ కేసులో సర్వోన్నత న్యాయస్థానం ఇచ్చిన తీర్పుపై అసంతృప్తి వ్యక్తం చేస్తూ నిరసనగా ఆయన ఇలా చేసినట్లు తెలుస్తోంది. సుప్రీంకోర్టు మెయిన్‌ గేటు బయట సోమవారం ఓ వ్యక్తి అర్ధ నగ్నంగా కూర్చోవడాన్ని భద్రత సిబ్బంది గమనించారు. దగ్గరకు వెళ్లి ఆరా తీయగా ఆయన ఓ జిల్లా కోర్టుకు జడ్జి అని తెలిసింది. నిరసన నిలిపివేయాలని అభ్యర్థించారు. అయినప్పటికీ వారి మాట వినకుండా ఆ జడ్జి కొంత సమయం పాటు అలాగే ఉండిపోయారు. ఆ తర్వాత బతిమాలడంతో చొక్కా ధరించారు. అయితే, ఆయన నిరసనకు కారణమేమిటో వెల్లడించేందుకు అధికారులు నిరాకరించారు. అది ఆ జడ్జి వ్యక్తిగత విషయమని చెప్పారు.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts