Modi: కాశీ విశ్వనాథుడి సేవకులకు ప్రత్యేక పాదరక్షలు పంపిన మోదీ

దిల్లీ: కాశీ విశ్వనాథ ఆలయంలో పనిచేస్తున్నవారిపై ప్రధానమంత్రి నరేంద్ర మోదీ తన అభిమానాన్ని చాటుకున్నారు. జనపనారతో తయారుచేసిన 100 జతల ప్రత్యేక పాదరక్షలను వారి కోసం పంపించారు. రబ్బరు, తోలుతో తయారుచేసిన పాదరక్షలను కాశీ విశ్వనాథ ధామం ప్రాంగణంలో వినియోగించడం నిషేధం. దీంతో.. పూజారులు, సేవల్లో పాల్గొనేవారు, సెక్యూరిటీ గార్డులు, పారిశుద్ధ్య కార్మికుల వంటివారిలో ఎక్కువ మంది అక్కడ పాదరక్షలు లేకుండానే విధులు నిర్వర్తిస్తుంటారు. శీతల వాతావరణంలో వారు అలా ఇబ్బంది పడటం ప్రధాని దృష్టికి రావడంతో.. జనపనారతో తయారుచేసిన పాదరక్షలను వారి కోసం పంపించారు.