దర్శకుడు తేజకు కరోనా పాజిటివ్‌

హైదరాబాద్‌: తెలుగు రాష్ట్రాల్లో కరోనా కేసులు నానాటికీ పెరుగుతున్నాయి. సెలబ్రిటీలు సైతం దీని బారిన పడుతున్నారు. ఇటీవల అగ్ర దర్శకుడు రాజమౌళి కుటుంబం కరోనా బారిన పడినట్లు ఆయనే స్వయంగా వెల్లడించారు. కాగా, ఇప్పుడు మరో దర్శకుడు తేజకు కూడా కరోనా పాజిటివ్‌ అని తేలింది. ఇటీవల ముంబయి వెళ్లి వచ్చిన ఆయన ఆ తర్వాత పరీక్షలు చేయించుకోగా, కరోనా సోకినట్లు గుర్తించారు. ఆయన కుటుంబ సభ్యులకు మాత్రం నెగెటివ్‌ వచ్చినట్లు తెలుస్తోంది.

తేజ ఇప్పటికే తన తర్వాతి చిత్రాల పనుల్లో బిజీగా ఉన్నారు. గోపీచంద్‌, రానాలతో వేర్వేరుగా సినిమాలు చేయనున్నట్లు ప్రకటించారు. కరోనా విజృంభిస్తున్న నేపథ్యంలో షూటింగ్‌లు చేసే పరిస్థితి లేకపోవడంతో ప్రస్తుతం వెబ్‌ సిరీస్‌లపై దృష్టి పెట్టారు.