Vishwak Sen: విశ్వక్‌సేన్‌ పెళ్లి చేసుకోబోతున్నాడా?.. వివరాలు ఆరోజే అంటూ పోస్ట్‌!

ఇంటర్నెట్‌ డెస్క్‌: యంగ్‌ హీరో విశ్వక్‌సేన్‌ (Vishwak Sen) సోషల్‌ మీడియాలో పెట్టిన తాజా పోస్ట్‌ చర్చనీయాంశంగా మారింది. జీవితంలో కొత్త దశలోకి అడుగుపెట్టబోతున్నానని చెప్పడమే ఇందుకు కారణమైంది. ‘‘నా అభిమానులు, శ్రేయోభిలాషులకు.. మీరు ఇన్నాళ్లుగా నాపై కురిపించిన ప్రేమ, నాకిచ్చిన మద్దతుకు కృతజ్ఞుణ్ని. జీవితంలో మరో కొత్త దశలోకి ప్రవేశించబోతున్నానని తెలియజేసేందుకు ఆనందంగా ఉంది’’ అని విశ్వక్‌ ప్రకటనలో పేర్కొన్నాడు. వివరాలను ఆగస్టు 15న వెల్లడించనున్నట్లు తెలిపాడు. #VishwakFamily (విశ్వక్‌ ఫ్యామిలీ) అనే హ్యాష్‌ట్యాగ్‌తోపాటు సంబంధిత ఎమోజీలు జోడించడంతో చాలామంది పెళ్లి గురించే అనుకుంటున్నారు. ఈ పోస్ట్‌పై స్పందించిన పలువురు సినీ ప్రముఖులు, అభిమానులు విశ్వక్‌సేన్‌కు శుభాకాంక్షలు తెలియజేస్తున్నారు. ‘అన్నా పెళ్లి ఎప్పుడు?’, ‘సంతోషంగా ఉండండి’, ‘ఎవరిని పెళ్లి చేసుకుంటున్నావ్‌ అన్నా?’ అంటూ కామెంట్లు పెడుతున్నారు. మరికొందరు.. ‘కొత్త సినిమా ప్రచారం అనుకుంటా’ అని అభిప్రాయం వ్యక్తం చేశారు. మరి, విశ్వక్‌సేన్‌ నిజంగానే పెళ్లి చేసుకోబోతున్నాడా? సినిమా ప్రమోషన్‌లో భాగంగా ఇలా పోస్ట్‌ పెట్టాడా? తెలియాలంటే వేచి చూడాల్సిందే.

బాలీవుడ్‌ నుంచి వెళ్లిపోవాలనుకున్నా: అనురాగ్‌ కశ్యప్‌

సినిమాల విషయానికొస్తే.. ఈ ఏడాది మార్చిలో ‘దాస్‌ కా ధమ్కీ’ (Das Ka Dhamki) చిత్రంతో ప్రేక్షకులను పలకరించాడు విశ్వక్‌. అతడు నటించిన ‘బూ’ సినిమా నేరుగా ఓటీటీలో మే నెలలో విడుదలైంది. ప్రస్తుతం ‘గ్యాంగ్స్‌ ఆఫ్‌ గోదావరి’ (Gangs of Godavari)లో నటిస్తున్నాడు. కృష్ణచైతన్య దర్శకత్వం వహిస్తున్న ఈ సినిమాలో నేహాశెట్టి హీరోయిన్‌. అంజలి కీలక పాత్ర పోషిస్తోంది.