Most Eligible Bachelor: రివ్యూ: మోస్ట్ ఎలిజిబుల్ బ్యాచ్లర్
అఖిల్, పూజాహెగ్డే జంటగా నటించిన ‘మోస్ట్ ఎలిజిబుల్ బ్యాచ్లర్ ఎలా ఉందంటే?
చిత్రం: మోస్ట్ ఎలిజిబుల్ బ్యాచ్లర్; నటీనటులు: అఖిల్, పూజా హెగ్డే, ఆమని, శ్రీకాంత్ అయ్యంగార్, ఈషా రెబ్బా, ఫరియా అబ్దుల్లా, మురళీ శర్మ, పోసాని కృష్ణ మురళి, వి.జయప్రకాష్, సుడిగాలి సుధీర్, గెటప్ శ్రీను తదితరులు; సంగీతం: గోపీ సుందర్; ఛాయాగ్రహణం: ప్రదీశ్ ఎమ్ వర్మ; నిర్మాత: బన్నీవాసు, వాసు వర్మ; సమర్పణ: అల్లు అరవింద్; దర్శకత్వం: బొమ్మరిల్లు భాస్కర్; విడుదల తేదీ: 15-10-2021
సున్నితమైన ప్రేమకథలను.. వైవిధ్యభరితంగా తెరపై ఆవిష్కరించి యువతరం హృదయాల్ని కొల్లగొట్టిన దర్శకుడు బొమ్మరిల్లు భాస్కర్. కొత్తదనమున్న ప్రేమకథలను ఆదరించడంలో ముందుండే కథానాయకుడు అఖిల్ అక్కినేని. ఇప్పుడీ ఇద్దరి కలయిక నుంచి వచ్చిన ఓ న్యూఏజ్ లవ్స్టోరీ ‘మోస్ట్ ఎలిజిబుల్ బ్యాచ్లర్’. పూజాహెగ్డే కథానాయిక. ‘ఒంగోలు గిత్త’ తర్వాత 8ఏళ్ల విరామం తీసుకుని భాస్కర్ తెరకెక్కించిన చిత్రమిది. దసరా సందర్భంగా బాక్సాఫీస్ ముందుకొచ్చింది. ఇప్పటికే విడుదలైన పాటలు, ప్రచార చిత్రాలు ఆకట్టుకోవడంతో సినిమాకి కావాల్సినంత ప్రచారం దక్కింది. దీంతో సినీప్రియులు ఈ చిత్రంపై భారీ అంచనాలే పెట్టుకున్నారు. మరి ఆ అంచనాలను అఖిల్, పూజాల జోడీ అందుకుందా? బొమ్మరిల్లు భాస్కర్ చెప్పిన ప్రేమకథ ప్రేక్షకుల్ని ఏమేర మెప్పించింది? ఈ సినిమాతో ఆయన హిట్ ట్రాక్ ఎక్కారా?లేదా?
కథేంటంటే: మ్యారేజ్ లైఫ్ బాగుండాలంటే కెరీర్ బాగుండాలని నమ్మే వ్యక్తి హర్ష (అఖిల్ అక్కినేని). అందుకు తగ్గట్లే అమెరికాలో మంచి ఉద్యోగం చేస్తూ.. మ్యారేజ్ లైఫ్ కోసం ముందే అన్నీ పక్కాగా సెట్ చేసుకుని పెట్టుకుంటాడు. తనపై తనకు ఉన్న నమ్మకంతో పెళ్లికి ముందే ముహూర్తాన్ని ఫిక్స్ చేసుకుని, అనుకున్న తేదీ కల్లా ఓ మంచి అమ్మాయిని వెతికి పట్టుకునేందుకు రంగంలోకి దిగుతాడు. 20మంది అమ్మాయిల్ని పెళ్లిచూపులు చూసి.. వాళ్లలో మనసుకు నచ్చిన ఆమెతో ఏడడుగులు వేయాలన్నది తన ప్రణాళిక. తనలా పెళ్లిచూపులు చూడాలనుకున్న అమ్మాయిల్లో స్టాండప్ కమెడియన్ విభా అలియాస్ విభావరి (పూజా హెగ్డే) ఉంటుంది. హర్షలాగే ఆమెకీ పెళ్లి విషయంలో.. రాబోయే జీవిత భాగస్వామి విషయంలో కొన్ని అంచనాలుంటాయి. అయితే ఆమెను పెళ్లి చూపులు చూడకముందే జాతకాలు కలవలేదన్న ఉద్దేశంతో హర్ష కుటుంబం.. ఆ సంబంధం కాదనుకుంటుంది. కానీ, హర్ష మాత్రం విభాను చూసి తొలిచూపులోనే మనసు పారేసుకుంటాడు. ఆమెతోనే పెళ్లి పీటలెక్కాలని కలలు కంటాడు. అయితే విభా మాత్రం హర్ష ప్రేమకు నో చెబుతుంది. ఈ క్రమంలో పెళ్లి విషయంలో ఆమె అడిగిన కొన్ని ప్రశ్నలు.. హర్ష జీవితంలో పెను మార్పులకు కారణమవుతాయి. మరి ఆ ప్రశ్నలేంటి? వాటికి సమాధానం కనుక్కునే క్రమంలో హర్ష తెలుసుకున్న జీవిత సత్యమేంటి? చివరికి తాను అనుకున్నట్లుగా విభా ప్రేమని దక్కించుకున్నాడా? ఆమెతో పెళ్లి పీటలెక్కాడా? లేదా? అన్నది తెరపై చూడాలి.
ఎలా ఉందంటే: నేపథ్యాలలో చిన్న చిన్న మార్పులుండొచ్చు గానీ ప్రేమకథలన్నీ దాదాపు ఒకేలా ఉంటాయి. ఎవరైతే ఆ ప్రేమకథను సరికొత్త కోణంలో తెరపై ఆవిష్కరించగలుగుతారో వాళ్లే ప్రేక్షకుల మెప్పు పొందగలుగుతారు. ఈ విషయంలో దర్శకుడు బొమ్మరిల్లు భాస్కర్ది అందెవేసిన చేయి. ఆయన చిత్రాల్లో ప్రేమకథలన్నీ చిన్న లైన్తోనే ముడిపడి ఉంటాయి. కానీ, ఆ పాయింట్ను ఆయన సరికొత్త ట్రీట్మెంట్తో చెప్పే తీరు సినీప్రియుల్ని మెప్పిస్తుంటుంది. ‘మోస్ట్ ఎలిజిబుల్ బ్యాచ్లర్’నూ అలాంటి ఓ చిన్న పాయింట్ చుట్టూ అల్లుకున్న ఓ ఆసక్తికర కథాంశంతోనే రూపొందించారు భాస్కర్. అయితే అది మరీ సినిమాటిక్గా అనిపించినా.. ప్రేక్షకులకు కనెక్ట్ అవుతుంది. ఆరంభంలో హర్ష పాత్రని పరిచయం చేసిన తీరు.. అతని కోణం నుంచి కథలోకి తీసుకెళ్లిన విధానం చాలా సింపుల్గా అనిపిస్తాయి. ముందే పెళ్లికి ముహూర్తం పెట్టుకుని.. ఆ ముహూర్తం కల్లా పెళ్లి కూతురును సెలెక్ట్ చేసుకోవాలనుకోవడం.. ఇందుకోసం వరుసగా పెళ్లి చూపులకు వెళ్లడం.. ఈ క్రమంలో ఒకొక్కరి నుంచి అతనికెదురయ్యే అనుభవాలతో కథనం సరదా సరదాగా సాగిపోతుంటుంది. విభా పాత్ర సీన్లోకి వచ్చాక కథలో వేగం పెరుగుతుంది. ఆమె పరిచయం అయ్యాక.. హర్షతో వచ్చే ఎపిసోడ్లు.. పెళ్లికి కావాల్సిన అర్హతలేంటి? అంటూ ఆమె వేసే ప్రశ్నలు.. ఆ ప్రశ్నలకు సమాధానం రాబట్టే క్రమంలో అతను పడే ఇబ్బందులు ఆసక్తికరంగా సాగుతూనే నవ్వులు పూయిస్తుంటాయి. విరామానికి ముందు వచ్చే కోర్టు సీన్ లాజిక్కు దూరంగా అనిపించినా.. ఆ ఎపిసోడ్లో పోసాని కృష్ణ మురళి చేసే హంగామా మంచి కాలక్షేపాన్ని అందిస్తుంది. ఇక విరామ సమయానికి విభాకు హర్ష దూరం కావాల్సి రావడంతో ద్వితీయార్ధం ఏం జరుగుతుందా? అన్న ఆసక్తి కలుగుతుంది.
అయితే ప్రధమార్ధంలో ఉన్న మెరుపు ద్వితీయార్ధం ఆరంభం నుంచే తగ్గినట్లు అనిపిస్తుంది. పెళ్లికి అసలైన ఎలిజిబులిటి ఏంటి? అన్నది చెప్పడం కోసం ద్వితీయార్ధంలో భాస్కర్ రాసుకున్న కొన్ని ఎపిసోడ్లు బలవంతంగా ఇరికించినట్లుగా ఉంటాయి. విభా ప్రశ్నలకు సమాధానం కనుక్కునే క్రమంలో హర్ష తనని తాను తెలుసుకోవడం.. ఆమెని తన ప్రేమతో మెప్పించడం కోసం అతను చేసే ప్రయత్నాలు ఆకట్టుకునేలా సాగుతాయి. అయితే ప్రేమకి.. రొమాన్స్కి మధ్య తేడాని సరైన రీతిలో వివరించి చెప్పడంలో ఆఖర్లో భాస్కర్ కాసత తడబడ్డాడు. క్లైమాక్స్లో విభా, హర్ష చెప్పే సంభాషణలు మనసులకు హత్తుకుంటాయి. అయితే ఈ ముగింపు చూసిన ప్రతి ఒక్కరికీ ‘బొమ్మరిల్లు’ చిత్రమే మదిలో మెదులుతుంది.
ఎవరెలా చేశారంటే: హర్షగా అఖిల్.. స్టాండప్ కమెడియన్ విభాగా పూజా హెగ్డే.. తమ తమ పాత్రల్లో ఎంతో చక్కగా ఒదిగిపోయారు. ముఖ్యంగా పూజా తన గ్లామర్తో ప్రేక్షకుల్ని కట్టిపడేసింది. రొమాంటిక్ సన్నివేశాల్లో అఖిల్, పూజాల జోడీ ఎంతో చూడముచ్చటగా కనిపించింది. మురళీ శర్మ, ఆమని, జయప్రకాష్ పాత్రలు పరిధి మేరకు ఉంటాయి. ప్రధమార్ధంలో సుడిగాలి సుధీర్.. పోసాని కృష్ణమురళి, ద్వితీయార్ధంలో వెన్నెల కిషోర్ తమవంతు నవ్వించే ప్రయత్నం చేశారు. ఈషా రెబ్బా, ఫరియా అబ్దుల్లా, నేహా శెట్టి వంటి నాయికల్ని అతిథి పాత్రల్లో ఉపయోగించుకున్న తీరు బాగుంది. భాస్కర్ ప్రధమార్ధంపై చూపిన పట్టును.. ద్వితీయార్ధంలో చూపించలేకపోయారు. క్లైమాక్స్ విషయంలో ఏమాత్రం కొత్తదనం చూపించలేకపోయారు. లెహరాయి, గుచ్చే గులాబిలాగా పాటలు ఎంతో వినసొంపుగా ఉన్నాయో.. వాటి పిక్చరైజేషన్ కూడా అంతే ఆకర్షణీయంగా ఉంది. గోపీ సుందర్ సంగీతం, ప్రదీశ్ వర్మ ఛాయాగ్రహణం సినిమాకి మరింత బలాన్నిచ్చాయి.
బలాలు
+ అఖిల్, పూజాల జోడీ
+ ప్రధమార్ధం
+ పాటలు
బలహీనతలు
- ద్వితీయార్ధం
- క్లైమాక్స్
చివరిగా: కాలక్షేపాన్నిచ్చే ‘మోస్ట్ ఎలిజిబుల్ బ్యాచ్లర్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్