‘పటాన్‌’ తర్వాత ఏంటి?

ముంబయి: ‘పటాన్‌’ తర్వాత షారుఖ్‌ ఖాన్‌ చేయనున్న సినిమా ఏంటి? దీనిపై ఎంతోకాలంగా చర్చ నడుస్తోంది. ఎంతోమంది దర్శకుల పేర్లు బయటికొచ్చాయి. అయితే ఇప్పుడు తమిళ దర్శకుడు అట్లీతో షారుఖ్‌ సినిమా ఖరారైందని బాలీవుడ్‌తో పాటు కోలీవుడ్‌ వర్గాలు చెబుతున్నాయి. త్వరలోనే దీనిపై అధికారిక ప్రకటన రానుంది. తమిళంలో ‘తేరి’, ‘మెర్సిల్‌’, ‘బిగిల్‌’ వంటి హిట్‌ చిత్రాలను అందించిన అట్లీ, షారుఖ్‌ కలయికపై అభిమానులు సంతోషం వ్యక్తం చేస్తున్నారు. ప్రస్తుతం దీనికి సంబంధించి పోస్ట్‌ప్రొడక్షన్‌ పనులు జరుగుతున్నాయి. డిసెంబర్‌ నుంచి ఈ చిత్రం సెట్స్‌పైకి వెళ్లనున్నట్లు తెలుస్తోంది.