Baby: ‘బేబి’ కలయిక మళ్లీ

ఈ ఏడాది సంచలన విజయాన్ని సొంతం చేసుకున్న చిత్రాల్లో ‘బేబి’ ఒకటి. పరిమిత వ్యయంతో రూపొందిన ఈ సినిమా... అగ్ర తారల సినిమాల స్థాయిలో వసూళ్లు సొంతం చేసుకుంది. పలువురు యువ ప్రతిభావంతుల్ని వెలుగులోకి తీసుకొచ్చింది. విజయవంతమైన ఈ కలయికలో ఇప్పుడు మరో సినిమాకి రంగం సిద్ధమైంది. ‘బేబి’ దర్శకుడు సాయిరాజేశ్‌ కథ, స్క్రీన్‌ప్లే, మాటలతో రూపొందనున్న ఈ సినిమాలో ఆనంద్‌ దేవరకొండ, వైష్ణవి చైతన్య జంటగా నటిస్తున్నారు. రవి నంబూరి దర్శకుడిగా పరిచయం అవుతున్నారు. ఎస్‌.కె.ఎన్‌తో కలిసి సాయిరాజేశ్‌ నిర్మిస్తున్నారు. పూర్వ నిర్మాణ పనుల్లో ఉన్న ఈ సినిమా త్వరలోనే సెట్స్‌పైకి వెళ్లనుంది. వేసవి సందర్భంగా చిత్రాన్ని ప్రేక్షకుల ముందుకు తీసుకొస్తున్నట్టు సినీ వర్గాలు తెలిపాయి. ఈ చిత్రానికి ఛాయాగ్రహణం: బాల్‌రెడ్డి, సంగీతం: విజయ్‌ బుల్గానిన్‌, కూర్పు: విప్లవ్‌, సహ నిర్మాత: ధీరజ్‌ మొగిలినేని.