KGF Chapter 3: ‘రాకీభాయ్‌’ కోసం క్యూ కడుతున్న బాలీవుడ్‌ భామలు

ఇంటర్నెట్‌డెస్క్‌: యశ్‌(Yash) కథానాయకుడిగా నటించిన కేజీయఫ్‌: ఛాప్టర్‌2(KGF2) బాక్సాఫీస్‌ వద్ద ఎంతటి ఘన విజయాన్ని సొంతం చేసుకుందో అందరికీ తెలిసిందే. ప్రపంచవ్యాప్తంగా రూ.1200 కోట్లకు పైగా వసూళ్లు రాబట్టింది. ఈ హై వోల్టేజి యాక్షన్‌ చిత్రానికి కొనసాగింపు ఉంటుందని దర్శకుడు ప్రశాంత్‌ నీల్‌ పార్ట్‌-2 చివరిలో హింట్‌ ఇచ్చారు. దీంతో అభిమానులు ‘కేజీయఫ్-ఛాప్టర్‌3’పై భారీ అంచనాలే పెట్టుకున్నారు.

మరోవైపు ఈ పార్ట్‌లో కథానాయికగా ఎవరు నటిస్తారన్నదానిపై ప్రస్తుతం ఆసక్తి నెలకొంది. ఛాప్టర్‌-2లో శ్రీనిధి శెట్టి పాత్ర చనిపోవడంతో ఆ క్యారెక్టర్‌ ముగిసింది. దీంతో కొత్త హీరోయిన్‌ అవసరముంది. ఈ క్రమంలో పలువురు బాలీవుడ్‌ భామలు ‘కేజీయఫ్‌-3’లో నటించేందుకు ఆసక్తి చూపుతున్నారని సమాచారం. ఈ సినిమాలో అవకాశం కోసం ప్రయత్నాలు చేస్తున్నారట. పాన్‌ ఇండియా స్థాయిలో గుర్తింపు దక్కాలంటే  ‘కేజీయఫ్‌’లాంటి ఒక్క చిత్రం చాలు. అదే ఇప్పుడు హాట్‌ టాపిక్‌ అయింది. ప్రస్తుతం  స్క్రిప్టు దశలో ఉన్న ఛాప్టర్‌3 సెట్స్‌ పైకి వెళ్లేది ఎప్పుడు? అనే విషయం ప్రకటించాల్సి ఉంది.