Bubblegum Review: రివ్యూ: రాజీవ్ కనకాల, సుమ తనయుడి బబుల్గమ్ మూవీ మెప్పించిందా?
bubblegum movie review in telugu: రోషన్, మానస కీలక పాత్రల్లో రవికాంత్ పేరెపు దర్శకత్వంలో రూపొందిన ‘బబుల్గమ్’ మూవీ ఎలా ఉంది?
Bubblegum movie review in telugu; చిత్రం: బబుల్గమ్; నటీనటులు: రోషన్ కనకాల, మానస చౌదరి, హర్ష చెముడు, కిరణ్ మచ్చ, అనన్య ఆకుల, హర్షవర్ధన్, అను హాసన్, చైతు జొన్నలగడ్డ, బిందు చంద్రమౌళి తదితరులు; సంగీతం: శ్రీచరణ్ పాకాల; ఛాయాగ్రహణం: సురేష్ రగుతు; కథ: రవికాంత్ పేరెపు, విష్ణు కొండూరు, సెరి-గన్ని; దర్శకత్వం: రవికాంత్ పేరేపు; నిర్మాణ సంస్థలు: మహేశ్వరి మూవీస్, పీపుల్ మీడియా ఫ్యాక్టరీ; విడుదల తేదీ: 29-12-2023
రాజీవ్ కనకాల, సుమ దంపతుల తనయుడు రోషన్ హీరోగా తెరకు పరిచయమైన చిత్రం ‘బబుల్ గమ్’. ‘క్షణం’, ‘కృష్ణ అండ్ హిజ్ లీలా’తో ఆకట్టుకున్న రవికాంత్ పేరేపు దర్శకుడు. చిరంజీవి, రాజమౌళి, వెంకటేష్ వంటి ప్రముఖ తారలు ఈ చిత్ర ప్రచార కార్యక్రమాల్లో పాల్గొనడం.. టీజర్, ట్రైలర్, పాటలు యువతరాన్ని ఆకర్షించేలా ఉండటంతో సినిమాపై కాస్త అంచనాలు పెరిగాయి. మరి ఆ అంచనాల్ని ఈ చిత్రం అందుకుందా?(bubblegum movie review in telugu) హీరోగా రోషన్ తొలి ప్రయత్నంలోనే విజయాన్ని అందుకున్నాడా?
కథేంటంటే: ఆది అలియాస్ ఆదిత్య (రోషన్ కనకాల) హైదరాబాద్కు చెందిన ఓ మధ్యతరగతి కుర్రాడు. డీజే అవ్వాలన్న లక్ష్యంతో జీవిస్తుంటాడు. ఓ పార్టీలో జాను అలియాస్ జాన్వీ (మానస చౌదరి)ని చూసి మనసు పారేసుకుంటాడు. ఆమె చాలా పెద్దింటి అమ్మాయి. ఆధునిక జీవన శైలికి అలవాటు పడిన ఆమెకు ప్రేమ, పెళ్లి వంటి ఎమోషన్స్పై అంతగా నమ్మకం ఉండదు. అబ్బాయిల్ని ఓ టాయ్లా చూసే తను.. మొదట్లో ఆది డీజే ప్లే చేసే తీరు నచ్చి ఇష్టపడుతుంది. ఆ తర్వాత అతని వ్యక్తిత్వం నచ్చి మరింత సన్నిహితంగా మెలుగుతుంది. ఈ క్రమంలో తెలియకుండానే ఆదితో ప్రేమలో పడిపోతుంది. అయితే ఓ పార్టీలో జాను ఫ్రెండ్ చేసిన ఓ తొందర పాటు పని వాళ్లిద్దరి మధ్య చిచ్చు రేపుతుంది. అంతేకాదు ఆ వేడుకలో అందరి ముందు ఆదిని దారుణంగా అవమానిస్తుంది జాను. మరి ఆ తర్వాత ఏమైంది? జాను చేసిన ఆ అవమానాన్ని ఆది ఎలా తీసుకున్నాడు? రెండు భిన్న నేపథ్యాలు కలిగిన వీరి ప్రేమ ఆఖరికి ఏ కంచికి చేరింది?డీజే అవ్వాలన్న తన లక్ష్యాన్ని ఆది చేరుకున్నాడా? లేదా? అన్నది మిగతా కథ.
ఎలా సాగిందంటే: ఇది పూర్తిగా యువతరం లక్ష్యంగా రూపొందించిన చిత్రం. దీంట్లోని కథా నేపథ్యం కూడా కొత్తదేమీ కాదు. విరామ సన్నివేశాలు, క్లైమాక్స్ మినహా మిగతా కథనమంతా చాలా రొటీన్గా ఉంటుంది. హీరో డీజే నేపథ్యం.. అతని కుటుంబ వాతావరణం.. వంటివి చూస్తే ఆరంభంలో దీంట్లో డీజే టిల్లు ఛాయలు కనిపిస్తాయి. ఓ చిన్న ఇంట్రడక్షన్ ఫైట్తో హీరో పరిచయం అయిన తీరు ఫర్వాలేదనిపిస్తుంది. ఆ తర్వాత అతని కుటుంబ నేపథ్యాన్ని.. ఫ్రెండ్స్ గ్యాంగ్ను పరిచయం చేస్తూ నెమ్మదిగా సినిమాని ముందుకు తీసుకెళ్లారు దర్శకుడు. (bubblegum movie review in telugu) జాను - ఆదిల పరిచయం.. వాళ్లిద్దరూ దగ్గరవడం.. ఒకరిపై ఒకరు ఇష్టాన్ని పెంచుకోవడం.. ఈ ట్రాక్లో పెద్దగా ఎమోషన్స్ కనిపించవు. వీరి మధ్య వచ్చే రొమాంటిక్ సన్నివేశాలు యువతకు బాగా నచ్చుతాయి. కేవలం యువతరాన్ని ఆకర్షించడానికే ఈ ట్రాక్ ఉపయోగపడొచ్చేమో కానీ, మిగతా ప్రేక్షకులకు విరామ సన్నివేశాలు మాత్రం చాలా కొత్తగా ద్వితీయార్ధంపై ఆసక్తిరేకెత్తించేలా చేస్తాయి.
ప్రేమికురాలి చేతిలో దారుణ అవమానం తర్వాత కసితో ఆది తన లక్ష్యం దిశగా అడుగులేసే తీరు మెప్పిస్తుంది. ఈ క్రమంలో వచ్చే ఇజ్జత్ గీతం ఆకట్టుకుంటుంది. జీవితంలో ఎదురయ్యే సవాళ్లకు తలవొంచద్దంటూ.. డబ్బు సంపాదించడంలో కిక్ ఉందంటూ ఆదికి తన తండ్రి అందించే స్ఫూర్తి మనసులకు హత్తుకుంటుంది. నిజానికి ద్వితీయార్ధంలో తండ్రీకొడుకుల అనుబంధాల నేపథ్యంలో వచ్చే ప్రతి సీన్ ప్రేక్షకుల్ని అలరిస్తుంది. ఇక ప్రథమార్ధంలో గ్లామర్ డాల్గా కనిపించిన కథానాయిక పాత్ర ద్వితీయార్ధంలో నటనా ప్రాధాన్యమున్న పాత్రలా మారిపోతుంది. (Bubblegum movie review) తన తప్పు తెలుసుకొని ఆది ప్రేమ కోసం జాను ఆరాటపడటం.. ఈ క్రమంలో ఆది ఇంటికెళ్లి అతను మనసు గెలుచుకునేందుకు చేసే ప్రయత్నాలు జస్ట్ ఓకే. ఒకానొక దశలో ద్వితీయార్ధంలో కథను మొత్తం జానునే ముందుకు నడిపిస్తుంది. పతాక సన్నివేశాల్ని దర్శకుడు కొత్తగా మలుచుకున్నాడు. ముగింపు యువతకు ఓ చిన్న సందేశమిచ్చేలా ఉంటుంది. అయితే దాన్ని వాళ్లు ఎలా స్వీకరిస్తారన్న దాన్ని బట్టి ఫలితం ఆధారపడి ఉంటుంది.
ఎవరెలా చేశారంటే: పక్కా హైదరాబాదీ కుర్రాడిగా ఆది పాత్రలో రోషన్ చక్కగా ఒదిగిపోయాడు. అతని లుక్స్, యాక్టింగ్, డైలాగ్ డెలివరీ అన్నీ బాగున్నాయి. భావోద్వేగభరిత సన్నివేశాల్లోనూ చక్కటి నటన కనబరిచాడు. జాన్వీగా మానస చౌదరి ఇటు అందంతోనూ అటు అభినయంతోనూ ఆకట్టుకుంది. కొన్ని రొమాంటిక్ సన్నివేశాలతో ప్రేక్షకుల్ని హీటెక్కించే ప్రయత్నం చేసింది. హీరో తండ్రిగా చైతూ జొన్నలగడ్డ పాత్ర అందర్నీ ఆకట్టుకుంటుంది. ద్వితీయార్ధానికి ఈ పాత్ర ప్రధాన ఆకర్షణ. బుబుల్గమ్ పేరుకు తగ్గట్లుగా ప్రథమార్ధమంతా సాగతీత వ్యవహారంలా ఉంటుంది. (Bubblegum movie review) ద్వితీయార్ధం మాత్రం కాసిన్ని నవ్వులతో.. ఇంకొంచెం భావోద్వేగాలతో కట్టిపడేస్తుంది. యువతరాన్ని ఆకర్షించాలనే ప్రయత్నంలో కథలో బూతులు ఎక్కువ వాడేశారనిపిస్తుంది. అలాగే దర్శకుడు తను చెప్పాలనుకున్న విషయాన్ని స్పష్టంగా చెప్పలేకపోయారనిపిస్తుంది. అయితే కొత్త నటీనటుల నుంచి మంచి నటన రాబట్టుకోవడంలో పైచేయి సాధించాడు. శ్రీచరణ్ నేపథ్య సంగీతం ఆకట్టుకుంటుంది. సురేష్ ఛాయాగ్రహణం బాగుంది. నిర్మాణ విలువలు కథకు తగ్గట్లుగా ఉన్నాయి.
- బలాలు
- + రోషన్, మానస నటన..
- + తండ్రీ కొడుకుల ట్రాక్
- + ద్వితీయార్ధంలోని డ్రామా.. ముగింపు
- బలహీనతలు
- - కొత్తదనం లేని కథనం
- - ప్రథమార్ధం
- చివరిగా: బబుల్గమ్.. మొదట్లో చప్పగా.. ఆఖర్లో కాస్త తియ్యగా..(Bubblegum movie review)
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: కృష్ణమ్మ.. సత్యదేవ్ ఖాతాలో హిట్ పడిందా?
krishnamma movie review: సత్యదేవ్ కీలక పాత్రలో నటించిన మాస్, యాక్షన్ డ్రామా ఎలా ఉంది? -
రివ్యూ: ప్రతినిధి2.. నారా రోహిత్ పొలిటికల్ డ్రామా ఎలా ఉంది?
Prathinidhi 2 Review: నారా రోహిత్ కీలక పాత్రలో నటించిన ‘ప్రతినిధి2’ ప్రేక్షకుల మెప్పించిందా? -
రివ్యూ: ఆవేశం.. రూ.150 కోట్లు వసూలు చేసిన మలయాళ బ్లాక్ బస్టర్ ఎలా ఉంది?
ఫహద్ ఫాజిల్ కీలక పాత్రలో నటించిన మలయాళ సూపర్హిట్ మూవీ ‘ఆవేశం’ మెప్పించిందా? -
రివ్యూ: ప్రణయ విలాసం.. ‘ప్రేమలు’ హీరోయిన్ నటించిన సినిమా ఎలా ఉందంటే?
మమితా బైజు, అర్జున్ అశోకన్ తదితరులు ప్రధాన పాత్రల్లో నటించిన చిత్రం ‘ప్రణయ విలాసం’. ‘ఈటీవీ విన్’లో స్ట్రీమింగ్ అవుతున్న ఈ సినిమా కథేంటంటే? -
రివ్యూ : బాక్.. తమన్నా, రాశీఖన్నాల హారర్ మూవీ ఎలా ఉంది
baak movie review: ‘అరణ్మనై’ సిరీస్లో నాలుగో భాగంగా వచ్చిన ‘బాక్’మూవీ సినీ ప్రేక్షకులను మెప్పించిందా? -
రివ్యూ: ఆ ఒక్కటీ అడక్కు.. అల్లరి నరేష్ ఖాతాలో హిట్ పడిందా?
aa okkati adakku review: అల్లరి నరేష్, ఫరియా జంటగా నటించిన కామెడీ ఎంటర్టైనర్ మెప్పించిందా. -
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
రివ్యూ హీరామండి: ది డైమండ్ బజార్.. సంజయ్లీలా భన్సాలీ ఫస్ట్ వెబ్సిరీస్ ఎలా ఉంది?
భారీ తారాగణంతో సంజయ్లీలా భన్సాలీ దర్శకత్వంలో రూపొందిన వెబ్సిరీస్ మెప్పించిందా? -
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా?
తాజా వార్తలు (Latest News)
-
వెజ్ థాలీ ధర పెరిగింది.. నాన్ వెజ్ తగ్గింది.. ఎందుకిలా?
-
స్వాతి మాలీవాల్పై దాడి నిజమే.. అంగీకరించిన ఆప్ నేత
-
జగన్ విదేశాలకు వెళ్లేందుకు సీబీఐ కోర్టు అనుమతి
-
దిల్లీ మద్యం కేసులో ఆప్ను నిందితుల జాబితాలో చేరుస్తాం: ఈడీ
-
సార్వత్రిక ఎన్నికల వేళ.. సరిహద్దులో ‘పాక్’ డ్రోన్ల కలకలం!
-
అదే ఐపీఎల్ను మార్చేసింది..: రవిశాస్త్రి