Karthikeya 2 : వాళ్లు ఎంత ఎక్కువ చూస్తే అంత సంతోషం!
తొలి సినిమా ‘కార్తికేయ’తోనే తనదైన ప్రభావం చూపించిన దర్శకుడు.. చందు మొండేటి. ‘ప్రేమమ్’, ‘సవ్యసాచి’ల తర్వాత ఆయన ‘కార్తికేయ’కి కొనసాగింపుగా ‘కార్తికేయ2’ను తెరకెక్కించారు.
తొలి సినిమా ‘కార్తికేయ’తోనే తనదైన ప్రభావం చూపించిన దర్శకుడు.. చందు మొండేటి. ‘ప్రేమమ్’, ‘సవ్యసాచి’ల తర్వాత ఆయన ‘కార్తికేయ’కి కొనసాగింపుగా ‘కార్తికేయ2’ను తెరకెక్కించారు. నిఖిల్ కథానాయకుడిగా నటించిన ఈ సినిమా ప్రచార చిత్రాలు ఆసక్తిని రేకెత్తిస్తున్నాయి. చిత్రం శనివారం ప్రేక్షకుల ముందుకొస్తున్న సందర్భంగా చందు మొండేటి బుధవారం హైదరాబాద్లో విలేకర్లతో ముచ్చటించారు.
కార్తికేయ-2పై ఉన్న అంచనాలు మీపై ఎలాంటి ప్రభావం చూపాయి?
ఒక దర్శకుడిగానే కాకుండా... ఒక ప్రేక్షకుడిగానూ ఇలాంటి సినిమాల నుంచి ఏం ఆశిస్తారో నాకు, మా బృందానికీ బాగా తెలుసు. విజయవంతమైన చిత్రానికి కొనసాగింపుగా వస్తున్నది కాబట్టి కథ, విజువల్స్ పరంగా ప్రత్యేకంగా కొన్ని కొలతలు ఉంటాయి. వాటిని దృష్టిలో పెట్టుకునే ఈ కథని అభివృద్ధి చేశాం. అందుకు అనుగుణంగానే తీశాం. 2015లో ఈ ఆలోచన వచ్చింది. వెంటనే కథానాయకుడు నిఖిల్తో చెప్పా. కార్తికేయ పాత్రలో నటించిన అనుభవం ఉంది కాబట్టి, తను మరింత సులభంగా ఇందులో ఒదిగిపోయాడు.
దేవుడు - సైన్స్... ఈ రెండింటినీ ముడిపెట్టి కథ రాయాలన్న ఆలోచన ఎలా వచ్చింది?
దైవత్వంలోనూ సైన్స్ ఉంది. హనుమంతుడు చూడటానికి మామూలుగానే కనిపిస్తాడు కానీ, ఆయన కొండని ఎత్తడం కోసం భారీకాయుడిగా మారడం వెనక సాంకేతిక కారణం ఉంది. వింటున్నప్పుడు దాన్నొక మేజిక్లా పరిగణిస్తాం కానీ, అంత బలం ఎలా వచ్చిందనే అంశానికి జీవ సంబంధమైన కారణం ఉంది. మనకు అంతు చిక్కని విషయాల వెనక సైన్స్ ఉందని నమ్ముతాను. సహజంగా నాకు సాహసాలన్నా, వెలుగు చూడని నిజాలన్నా, నిధుల వెనక రహస్యాలన్నా చాలా ఇష్టం. భాగవతంలో మనం శ్రీకృష్ణుడుని చూసింది, మరొకకోణంలో శ్రీకృష్ణుడి గురించి పరిశోధన ... ఈ రెండింటినీ ముడిపెట్టి తీసిన చిత్రమే ఇది.
శ్రీకృష్ణుడు అంటే అనంతం. అందులో ఒకట్రెండు అంశాల్ని తీసుకుని ఈ సినిమా చేశా. శ్రీకృష్ణుడు, కర్మ సిద్ధాంతం తదితర విషయాల్ని ఇందులో స్పృశించాం. ఒక కథకుడిగా ఈ సినిమాని 5 నుంచి 15 ఏళ్ల వయస్సు వాళ్లు ఎంత ఎక్కువమంది చూస్తే అంతగా సంతోషిస్తా. ఈ సినిమా చూశాక వాళ్లలో చరిత్ర తెలుసుకోవాలనే ఆసక్తి ఏర్పడితే మా లక్ష్యం నెరవేరినట్టే.
తొలి చిత్రంతో పోలిస్తే ఈసారి ఎదురైన సవాళ్లేంటి?
ఈ సినిమా చేశాక నేర్చుకోవల్సింది ఇంకా చాలా ఉందనే విషయం అర్థమైంది. మేం ఎంత పెద్ద కథ రాసుకున్నా బడ్జెట్ పరంగా మాకంటూ కొన్ని పరిధులు ఉంటాయి. ఆర్థిక విషయాల్ని గౌరవిస్తూనే మేం తెరపై ఏం చూపించాలో అది చూపించే ప్రయత్నం చేశాం. విజువల్ ఎఫెక్ట్స్లో యానిమేషన్, మ్యాప్ పెయింటింగ్స్... ఇలా ఎన్ని రకాలుంటాయో అవన్నీ వినియోగించాం.
మూడో భాగమూ ఉంటుందా?
చెప్పాల్సింది ఇంకా చాలా ఉంది. ప్రేక్షకుల నుంచి లభించే ఆదరణని బట్టి మూడో భాగంపై ఓ నిర్ణయానికొస్తాం.
స్వతహాగా మీకు ఏ నేపథ్యంలో కథలంటే ఇష్టం?
ఒక తరహా జోనర్ అంటూ ఏమీ లేదు. అన్ని రకాల సినిమాలూ ఇష్టమే. కాకపోతే మా కుటుంబమంతా చూసి ఆహ్లాదాన్ని పొందేది వినోదాత్మక చిత్రాలతోనే. జంధ్యాల, శ్రీనువైట్ల తరహా సినిమాలంటే ఇష్టం. అలాంటివి చేయాలని ఉంది కానీ, ఎక్కడో చిన్న భయం.
తదుపరి ప్రాజెక్టుల సంగతులేమిటి?
గీతా ఆర్ట్స్ సంస్థలో సినిమా చేయనున్నా. ప్రేమ, డ్రామాతో కూడిన రెండు కథలు సిద్ధంగా ఉన్నాయి. వాటిలో ఏదో ఒక కథతో సినిమా ఉంటుంది. ఆ తర్వాత నాగార్జున కథానాయకుడిగా ఓ చిత్రం చేస్తా.
తొలి కథలోని ఏయే అంశాలు ఇందులో ఉంటాయి?
‘మున్నాభాయ్ ఎంబీబీఎస్, ‘లగేరహో మున్నాభాయ్’ సినిమాల తరహాలోనే ఈ కథని చెప్పా. కథానాయకుడి పాత్ర మాత్రమే ఇందులో కొనసాగుతుంది. తొలి భాగంలో కథానాయకుడు వైద్యవిద్యార్థిగా కనిపిస్తే, ఇందులోనేమో డాక్టర్గా కనిపిస్తాడు. కథ మొదలు కాగానే కథానాయకుడి పాత్ర మరో ఊరికి వెళ్లిపోతాడు కాబట్టి మిగతా పాత్రల్ని కొనసాగించే అవకాశం లేకపోయింది. తొలి భాగంలో కథానాయకుడు ఓ సాహసోపేతమైన ప్రయాణం ఎలా చేశాడో, ఇందులోనూ అలాంటి ఓ ప్రయాణమే చేస్తాడు. ఈసారి కథ శ్రీకృష్ణుడి చుట్టూ సాగుతుంది. తొలి సినిమా చూడకపోయినా సరే, దీన్ని ఆస్వాదించొచ్చు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్