Tamannaah: ఇన్నేళ్లైనా ప్రేమ తగ్గలేదు
‘‘జయాపజయాల్ని నేనెప్పుడూ సమంగానే చూస్తాను. అయితే వ్యక్తిగతంగా విజయాల కన్నా.. పరాజయాల నుంచే ఎక్కువ నేర్చుకోగలిగా. ఓ వ్యక్తిగా నేనెలా ఉండాలన్నది తెలుసుకున్నా
‘‘జయాపజయాల్ని నేనెప్పుడూ సమంగానే చూస్తాను. అయితే వ్యక్తిగతంగా విజయాల కన్నా.. పరాజయాల నుంచే ఎక్కువ నేర్చుకోగలిగా. ఓ వ్యక్తిగా నేనెలా ఉండాలన్నది తెలుసుకున్నా. నా పనితీరును మార్చుకోగలిగా. ఎప్పటికప్పుడు సరికొత్తగా ఆవిష్కరించుకోగలిగా’’ అంది కథానాయిక తమన్నా (Tamannaah). ఈ వేసవిలో ‘ఎఫ్3’తో వినోదాలు పంచిన ఆమె.. ఇప్పుడు ‘గుర్తుందా శీతాకాలం’తో (Gurtunda Seetakalam) నటించింది. సత్యదేవ్ (Satyadev) హీరోగా నటించిన చిత్రమిది. నాగశేఖర్ తెరకెక్కించారు. ఈ సినిమా శుక్రవారం రానుంది. ఈ నేపథ్యంలోనే మంగళవారం హైదరాబాద్లో విలేకర్లతో ముచ్చటించింది తమన్నా.
ఈ శీతాకాలం ప్రేమకథ ఎలా ఉంటుంది?
‘‘గుర్తుందా శీతాకాలం’ ఓ ఆహ్లాదకరమైన సినిమా. మంచి భావోద్వేగభరితమైన ప్రయాణంలా ఉంటుంది. ఒకప్పుడు కథానాయికలు కెరీర్ తొలినాళ్లలోనే ప్రేమకథలు చేస్తారనే భావన ఉండేది. ఇప్పుడు కాలం మారింది. మన సంబంధాలు మారాయి. ఆ కోణాన్ని చూపించేందుకే ఈ చిత్రం చేయాలని బలంగా నిర్ణయించుకున్నా. ఈ చిత్రంలో దేవ్ అనే పాత్రలో సత్యదేవ్ కనిపిస్తారు. ఆయన జీవితంలోని నాలుగు దశల్ని.. ఈ క్రమంలో వచ్చే నాలుగు ప్రేమకథల్ని ఇందులో చూపించారు. అతను ప్రేమలో పడిన ప్రతిసారీ తన ఆలోచనల్లో.. దృక్పథంలో మార్పు వస్తుంటుంది. అలా తాను పరిణతి చెందుతూ నిజమైన ప్రేమను ఎలా కనుగొన్నాడన్నది చిత్ర కథాంశం’’.
ఎంతో మంది అగ్రతారలతో కలిసి పనిచేశారు. సత్యదేవ్ లాంటి యువ హీరోతో చేయడం ఎలా అనిపించింది?
‘‘ఇప్పుడు పెద్ద హీరో.. చిన్న హీరో అనే గీతలు లేవు. ప్రస్తుత కాలంలో కథే హీరో. నాయకానాయికల్ని మామూలు నటుల్లాగే చూస్తున్నారు. నేను ఎవరితో చేసినా.. సినిమాని సినిమాలాగే చూస్తా. కథ బాగుండాలి.. ఆ చిత్రం ప్రేక్షకులకు నచ్చాలనే కోరుకుంటా. కొవిడ్ టైమ్లో సత్య చేసిన ‘ఉమా మహేశ్వర ఉగ్రరూపస్య’ చిత్రం చూశా. ఆయన నటన చాలా సహజంగా అనిపించింది. తనతో కలిసి పని చేయాలన్న ఆసక్తి కలిగింది. అదే సమయంలోనే ఈ చిత్రం చేసే అవకాశం దొరికింది. చాలా సంతోషంగా అనిపించింది’’.
నటిగా కెరీర్ ప్రారంభించి 17ఏళ్లు పూర్తవుతోంది. ఈ ప్రయాణం ఎలా అనిపిస్తుంది?
‘‘చిత్రసీమలోకి అడుగు పెట్టినప్పుడు ఇన్నేళ్లు ఇక్కడ ఉంటానని అస్సలు అనుకోలేదు. అయితే నా సినీ ప్రయాణం మొదలై ఇన్నేళ్లు గడుస్తున్నా.. సినిమాలపై నాకున్న ప్రేమ ఏమాత్రం తగ్గలేదు. పరిశ్రమలోకి వచ్చినప్పుడు నటన పట్ల ఎంత కసితో ఉన్నానో.. ఇప్పుడూ అలాగే ఉన్నా. ప్రస్తుతం నాకు వీలైనంత వరకు ప్రయోగాలు చేయడానికి ప్రయత్నిస్తున్నా. నా మనసుకు నచ్చే ఆసక్తికరమైన కథలే ఎంచుకోవాలనుకుంటున్నా. భవిష్యత్తులో నిర్మాతగా మారాలన్న ఆలోచనలున్నాయి’’.
కెరీర్ ఆరంభం నుంచి ఇప్పటి వరకు నన్ను నేను ఎప్పుడూ స్టార్గా భావించుకోలేదు. ఇప్పుడూ అలా చూసుకోవాలని అనుకోవడం లేదు. నన్ను నేను ఓ మంచి నటిగానే చూసుకోవాలనుకుంటున్నా. ఎందుకంటే ఇలా ఉండగలిగినప్పుడే ప్రేక్షకులకు కొత్తదనాన్ని అందించగలను. నా పాత్ర నిడివిని దృష్టిలో పెట్టుకొని నేనెప్పుడూ సినిమా ఎంచుకోను. కథలో నాలుగైదు సన్నివేశాలున్నా.. ఆ పాత్ర ప్రభావం బలంగా ఉంటే చాలు. ‘సైరా’లో నా పాత్ర నిడివి తక్కువే. కానీ, ఆ పాత్ర తాలూకూ ప్రభావం కథలో చాలా బలంగా కనిపిస్తుంది.
‘‘నేను ప్రస్తుతం చిరంజీవితో ‘భోళా శంకర్’లో నటించనున్నా. జనవరి నుంచి ఆ సినిమా చిత్రీకరణలో పాల్గొంటా. మలయాళంలో ‘బాంద్రా’ అనే చిత్రం చేస్తున్నా. అలాగే వచ్చే ఏడాదిలో నా నుంచి మూడు ఓటీటీ ప్రాజెక్ట్లు రానున్నాయి’’.
నా పెళ్లిపై ఇప్పటికే బోలెడన్ని ఊహగాన వార్తలొచ్చాయి. ఓ డాక్టర్తో వివాహం జరిగినట్లు రాశారు. త్వరలో ఓ వ్యాపారవేత్తను పెళ్లి చేసుకోనున్నట్లు వదంతులు వచ్చాయి. పెళ్లి అనేది జీవితంలో ఒక అందమైన భాగం. అలాంటి సందర్భం వస్తే దాన్నొక వేడుకలా అందరికీ తెలిసేలాగే చేసుకుంటా. అందరి ఇళ్లలో లాగానే మా ఇంట్లో వాళ్లూ పెళ్లి చేసుకోమని అడుగుతుంటారు. అలాగని నన్నేమీ తొందర పెట్టట్లేదు. ఎందుకంటే వాళ్లకి నా లక్ష్యాల పట్ల పూర్తి స్పష్టత ఉంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్