Keerthy Suresh: ముగిసిన కీర్తి తొలి హిందీ చిత్రం

ఆచితూచి కథల్ని ఎంచుకుంటూ.. అన్ని భాషా చిత్రాల్లోని సినీప్రియుల్ని మెప్పిస్తోంది కథానాయిక కీర్తి సురేశ్‌. దక్షిణాదిలో ఇప్పటికే తానేంటో నిరూపించుకున్న ఈ భామ.. ‘బేబీ జాన్‌’తో బాలీవుడ్‌లోనూ అడుగు పెట్టింది. ఆమె, వరుణ్‌ ధావన్‌ జంటగా నటిస్తున్న చిత్రమిది. ఇంటెన్స్‌ యాక్షన్‌ థ్రిల్లర్‌ నేపథ్యంతో ఎ.కాలీస్‌ తెరకెక్కిస్తున్నారు. ఇటీవలే విడుదలైన పోస్టర్లకు ప్రేక్షకుల నుంచి మంచి స్పందన లభిస్తోంది. తాజాగా ఈ సినిమా చిత్రీకరణ పూర్తైన విషయాన్ని తెలుపుతూ.. ఇన్‌స్టా వేదికగా ఓ వీడియోను పంచుకుంది కీర్తి. ‘‘విజయవంతంగా షూటింగ్‌ ముగిసింది. ‘బేబీ జాన్‌’ త్వరలోనే మీ ముందుకు రాబోతున్నాడు’ అనే వ్యాఖ్యల్ని జోడించింది.