Janhvi kapoor: సన్నీ.. తులసీల ప్రేమ కథ

‘బవాల్‌’ తర్వాత వరుణ్‌ ధావన్‌- జాన్వీ కపూర్‌ మళ్లీ జోడిగా నటిస్తున్న చిత్రం ‘సన్నీ సంస్కారీ కీ తులసీ కుమారి’. ఈ రొమాంటిక్‌ లవ్‌స్టోరీని శశాంక్‌ ఖైతాన్‌ తెరకెక్కిస్తున్నారు. కరణ్‌ జోహార్‌ నిర్మాత. తాజాగా ఈ సినిమా చిత్రీకరణ ప్రారంభమైనట్టు తెలుపుతూ సామాజిక మాధ్యమాల వేదికగా ఫొటోని పంచుకుంది జాన్వీ. ‘సరికొత్త ప్రేమకథతో అభిమానుల ముందుకు వస్తున్న ఈ చిత్రం ఎన్నో మలుపులతో ఆసక్తి పంచేందుకు సిద్ధంగా ఉంది. సన్నీ.. తన ప్రియురాలు తులసీ కుమారి కోసం ఎలాంటి సాహసాలు చేస్తాడో తెలియాలంటే ఈ సినిమా చూడాల్సిందే’ అని సన్నిహితవర్గాలు తెలిపాయి. ఇందులో అక్షయ్‌ ఒబేరాయ్‌, సన్యా మల్హోత్రా ఇతర కీలక పాత్రల్లో కనిపించనున్నారు. ప్రస్తుతం తెలుగులో ఎన్టీఆర్‌ ‘దేవర’, రామ్‌చరణ్‌ ‘ఆర్‌సీ16’ చిత్రాలతో బిజీగా ఉంది జాన్వీ.