Bedurulanka 2012: బెదురులంక ప్రపంచం

కార్తికేయ (Kartikeya) కథానాయకుడిగా నటించిన చిత్రం ‘బెదురులంక 2012’ (Bedurulanka 2012). నేహాశెట్టి  (Neha Shetty) కథానాయిక. క్లాక్స్‌ దర్శకుడు. రవీంద్ర బెనర్జీ ముప్పానేని నిర్మిస్తున్నారు. సి.యువరాజ్‌ సమర్పకులు. చిత్రీకరణ పూర్తయింది. ఈ సందర్భంగా ‘ది వరల్డ్‌ ఆఫ్‌ బెదురులంక’ పేరుతో ఓ వీడియోని విడుదల చేసింది చిత్రబృందం. నాయకానాయికలతోపాటు కొన్ని పాత్రల్ని పరిచయం చేశారు. దర్శకుడు మాట్లాడుతూ ‘‘నాయకానాయికల మధ్య కెమిస్ట్రీ ఎంత బాగుంటుందో, ఆ ఇద్దరి మధ్య సన్నివేశాలు అంతకంటే బాగుంటాయి. ప్రేక్షకుల నుంచి వీడియోకి వచ్చిన స్పందన ఎంతో తృప్తినిచ్చింది. త్వరలోనే టీజర్‌, ట్రైలర్‌ని విడుదల చేస్తాం’’ అన్నారు. నిర్మాత మాట్లాడుతూ ‘‘అందరినీ నవ్వించే కొత్త తరహా ప్రయత్నమిది’’ అన్నారు. యుగాంతం ప్రచారం నేపథ్యంలో సాగే కథ ఇది. అజయ్‌ ఘోష్‌, శ్రీకాంత్‌ అయ్యంగార్‌ తదితరులు నటించిన ఈ చిత్రానికి సంగీతం: మణిశర్మ.