Akhil: అఖిల్‌ పరిచయ సన్నివేశాల కోసం భారీ ఏర్పాట్లు...!

ఇంటర్నెట్‌ డెస్క్‌: అఖిల్‌ హీరోగా సురేందర్‌ రెడ్డి దర్శకత్వంలో తెరకెక్కుతున్న సినిమా ‘ఏజెంట్‌’. ఈ సినిమాకు సంబంధించిన ఓ వార్త ఇప్పుడు నెట్టింట చక్కర్లు కొడుతోంది. ఈ సినిమాలో అఖిల్‌ పరిచయ సన్నివేశాల కోసం చిత్రబృందం ఘనంగా ఏర్పాట్లు చేస్తున్నట్లు సమాచారం. ఈ ఎపిసోడ్‌ షూటింగ్‌ కోసం భారీ సెట్‌ను కూడా ఏర్పాటు చేశారట. ఇప్పటికే ఈ సినిమా టీజర్‌ హాలీవుడ్‌ రేంజ్‌లో ఉండడంతో ఫ్యాన్స్‌కు ఈ సినిమాపై అంచనాలు పెరిగిపోయాయి. రామబ్రహ్మం సుంకర నిర్మిస్తున్న ఈ సినిమాలో అఖిల్‌ సరసన సాక్షి వైద్య నటిస్తోంది. మమ్ముట్టి ముఖ్య పాత్ర పోషిస్తున్న ఈ చిత్రం తెలుగు, హిందీ, తమిళం, కన్నడ, మలయాళ భాషల్లో ఒకేసారి విడుదలవ్వనుంది. స్పై థ్రిల్లర్‌ కథాంశంతో ఈ చిత్రం రూపొందుతోంది.