Harish Shankar: సరదా ముచ్చట్లు

పవన్‌కల్యాణ్‌ (Pawankalyan) ‘హరి హర వీర మల్లు’ (Harihara Veeramallu) సినిమాని పూర్తి చేయడంపై దృష్టిపెట్టారు. ప్రభాస్‌ (Prabhas) ఒకేసారి మూడు సినిమాల చిత్రీకరణలతో బిజీ బిజీ. ప్రస్తుతం ఈ అగ్ర కథానాయకులిద్దరూ సినిమా సెట్స్‌పైనే ఎక్కువ సమయం  గడుపుతున్నారు. ఆ సందర్భంలో కెమెరాకి చిక్కిన చిత్రాలే ఇవి. పవన్‌కల్యాణ్‌ ఒక పక్క చిత్రీకరణలో పాల్గొంటూనే, సెట్లో  తన కొత్త సినిమాలకి సంబంధించిన చర్చల్ని కొనసాగిస్తున్నట్టు తెలుస్తోంది. తదుపరి ఆయన సినిమా చేయనున్న దర్శకుడు హరీష్‌ శంకర్‌ (Harish Shankar) తరచూ ఈ సినిమా సెట్లో దర్శనమిస్తున్నారు. ప్రభాస్‌ కథానాయకుడిగా నటిస్తున్న ‘ప్రాజెక్ట్‌ కె’లో (Project K) సీనియర్‌ దర్శకులు  సింగీతం శ్రీనివాసరావు (singeetam srinivasa rao) భాగం అయ్యారు. ‘ప్రాజెక్ట్‌ కె’ కూడా  టైమ్‌ మిషన్‌ నేపథ్యంలో సాగే కథ కావడం, ఆ తరహాలో ‘ఆదిత్య 369’ తీసిన అనుభవం సింగీతం శ్రీనివాసరావుకు ఉండటంతో ఆయన సలహాలు ఈ సినిమాకి కీలకంగా మారాయి. సెట్లో ఉన్న దర్శకదిగ్గజం సింగీతంతో ప్రభాస్‌ కలిసి సరదాగా ముచ్చటించారు. ఈ రెండు చిత్రాలు సామాజిక మాధ్యమాల్లో సందడి చేశాయి.