Jersey: షాహిద్‌ కపూర్‌ ‘జెర్సీ’.. ఎమోషనల్‌ ట్రైలర్‌ చూశారా!

ఇంటర్నెట్‌ డెస్క్‌: షాహిద్‌ కపూర్‌ హీరోగా దర్శకుడు గౌతమ్‌ తిన్ననూరి తెరకెక్కించిన చిత్రం ‘జెర్సీ’. నాని కథానాయకుడిగా తెలుగులో వచ్చిన ‘జెర్సీ’ రీమేక్‌గా రూపొందింది. మృణాల్‌ ఠాకూర్‌ కథానాయిక. ఇప్పటికే ఓ ట్రైలర్‌ను పంచుకోగా తాజాగా మరో ట్రైలర్‌ను విడుదల చేసింది చిత్ర బృందం. షాహిద్‌ సిక్సర్‌ కొట్టే సన్నివేశంతో ప్రారంభమైన ట్రైలర్‌ ఆద్యంతం ప్రేక్షకుల హృదయాల్ని హత్తుకునేలా ఉంది. క్రికెటర్‌గా చూడాలనుకున్న తన కొడుకు కోరికను తీర్చేందుకు ఓ తండ్రి ఏం చేశాడు? 36ఏళ్ల వయసులో తిరిగి క్రికెట్‌ బ్యాట్‌ పడితే అతడికి ఎలాంటి పరిస్థితులు ఎదురయ్యాయి? ఆటలో గెలిచాడా? జీవితంలో గెలిచాడా? తదితర భావోద్వేగ అంశాలతో ఈ సినిమా రూపుదిద్దుకుంది. అల్లు అరవింద్‌, దిల్‌రాజు, అమన్‌ గిల్‌, నాగవంశీ సంయుక్తంగా నిర్మిస్తుంచారు. అనిరుధ్‌ నేపథ్య సంగీతం అందించగా సాకేత్‌, పరంపర స్వరాలు సమకూర్చారు. ఈ సినిమా ఏప్రిల్‌ 14న ప్రేక్షకుల ముందుకురానుంది.