Krishna Gadu Ante Oka Range Trailer: కృష్ణగాడు ప్రేమని గెలిచాడా?

రిష్వి తిమ్మరాజు, విస్మయ శ్రీ జంటగా నటించిన చిత్రం ‘కృష్ణగాడు అంటే ఒక రేంజ్‌’. రాజేశ్‌ దొండపాటి దర్శకత్వం వహిస్తున్నారు. పెట్లా కృష్ణమూర్తి, పెట్లా వెంకట సుబ్బమ్మ, పీఎన్‌కే శ్రీలత నిర్మాతలు. ఈ సినిమా ట్రైలర్‌ని ప్రముఖ నిర్మాత దిల్‌రాజు బుధవారం హైదరాబాద్‌లో  విడుదల చేశారు. ఈ సందర్భంగా దర్శకుడు మాట్లాడుతూ ‘‘ఓ అందమైన పల్లెటూరిలోని కృష్ణ అనే కుర్రాడి చుట్టూ సాగే కథ ఇది. ఊరితో ఎంతో అనుబంధం ఉన్న ఆ కుర్రాడి జీవితంలోకి ఓ అమ్మాయి వచ్చాక ఏం జరిగింది? తన ప్రేమని గెలిచాడా? తండ్రి కోరికని ఎలా నెరవేర్చాడనేది తెరపైనే చూడాలి. సస్పెన్స్‌, థ్రిల్లింగ్‌ సన్నివేశాలతోపాటు, యువతరానికి నచ్చే అంశాలు పుష్కలంగా ఉంటాయి’’ అన్నారు.