Aadikeshava: ఓ అమ్మాయో.. నీదేం మాయో

‘హే బుజ్జి బంగారం ప్రేమెనా ఇదంతా.. హే నువ్వు నా సొంతం నచ్చావే మరింతా’ అంటూ తన ప్రియురాలి కోసం పాడుతున్నాడు కథానాయకుడు వైష్ణవ్‌ తేజ్‌. ఆయన.. శ్రీలీల ప్రధాన పాత్రలో నటించిన చిత్రం ‘ఆదికేశవ’. ఈ చిత్రాన్ని శ్రీకాంత్‌ ఎన్‌ రెడ్డి తెరకెక్కిస్తున్నారు. ఇప్పటికే ఈ సినిమాలోని మొదటి పాట ‘సిత్తరాల సిత్రావతి’కి పరిశ్రమలో మంచి స్పందన వచ్చింది. తాజాగా ఈ సినిమాలోని ‘హే బుజ్జి బంగారం’ అనే మరో పాటను బుధవారం విడుదల చేసింది చిత్రబృందం. ‘ఓ అమ్మాయో.. నీదేం మాయో.. ప్రేమాకాశం అందించావే’ అంటూ సాగే ఈ పాట ప్రేక్షకులను ఆకట్టుకుంటోంది. జి.వి ప్రకాష్‌ సంగీతమందించిన ఈ గీతాన్ని అర్మాన్‌ మాలిక్‌, యామిని ఘంటసాల ఆలపించారు. రామజోగయ్య శాస్త్రి సాహిత్యమందించారు.