Sailesh Kolanu: రీమేక్ చేస్తే అక్కడ తిడుతున్నారు!
‘‘ప్రపంచ వ్యాప్తంగా జరిగిన 300కి పైగా నేరాల పూర్వపరాల్ని... ఐదేళ్లపాటు క్షుణ్ణంగా పరిశీలించి రాసుకున్న కథలతోనే ‘హిట్’ ఫ్రాంచైజీ సినిమాల్ని రూపొందిస్తున్నా.
‘‘ప్రపంచ వ్యాప్తంగా జరిగిన 300కి పైగా నేరాల పూర్వపరాల్ని... ఐదేళ్లపాటు క్షుణ్ణంగా పరిశీలించి రాసుకున్న కథలతోనే ‘హిట్’ ఫ్రాంచైజీ సినిమాల్ని రూపొందిస్తున్నా. అందుకే ఈ కథలు మిగతావాటికి భిన్నంగా ఉంటాయి’’ అన్నారు దర్శకుడు శైలేష్ కొలను (Sailesh Kolanu). ‘హిట్’ సినిమాతో మెగాఫోన్ చేతపట్టిన ఆయన, తొలి ప్రయత్నంలోనే ప్రేక్షకుల్ని మెప్పించారు. ఇటీవల ‘హిట్’ (HIT) ఫ్రాంచైజీలో భాగంగా రెండో కేస్తో ‘హిట్ 2’ చిత్రాన్ని తెరకెక్కించారు. అడివి శేష్ కథానాయకుడిగా నటించారు. కథానాయకుడు నాని సమర్పణలో వాల్ పోస్టర్ సినిమా పతాకంపై ప్రశాంతి త్రిపిర్నేని నిర్మిస్తున్నారు. చిత్రం డిసెంబరు 2న ప్రేక్షకుల ముందుకొస్తోంది. ఈ సందర్భంగా శైలేష్ కొలను మంగళవారం హైదరాబాద్లో విలేకర్లతో ముచ్చటించారు. ఆ విషయాలివీ...
ఇప్పుడంతా కథల్ని కొనసాగిస్తున్నారు. మీరు మాత్రం కొత్త కథ చెప్పారు. ఎందుకలా?
మొదట మేం కూడా అదే చేయాలనుకున్నాం. తొలి భాగంలో విష్వక్సేన్ చేసిన చేసిన రుద్రరాజు పాత్రని కొనసాగిస్తూ రాసుకున్న రెండో కథ కూడా ఉంది. కానీ కరోనా తర్వాత మేం నిర్ణయం మార్చుకున్నాం. ప్రేక్షకులు ప్రతి విషయంలోనూ కొత్తదనాన్ని కోరుకుంటున్నారు. పైగా ‘ఎవెంజర్స్’ తరహాలో ‘హిట్’ యూనివర్స్ని సృష్టించాలనుకున్నాం. అందుకే మరో కొత్త ఆఫీసర్ని రంగంలోకి దించాం. అలా ప్రతి సినిమాతోనూ ఒకొక్క ఆఫీసర్ని పరిచయం చేస్తూ... చివర్లో అందరినీ కలపాలనేదే మా ప్రయత్నం.
నేర నేపథ్యంలో కథలు తరచూ వస్తున్నాయి కదా. వాటికి భిన్నంగా ఉండేలా మీరెలాంటి కసరత్తులు చేస్తున్నారు?
కథలపై నేను చేసిన పరిశోధన ప్రత్యేకం. సిడ్నీలో నేను పనిచేసిన విశ్వ విద్యాలయం గ్రంథాలయంలో కూర్చుని ఐదేళ్లపాటు నేరాలపై పరిశోధన చేశా. ఫోరెన్సిక్, క్రిమినాలజీ తదితర విషయాల గురించి చాలా విషయాలు తెలుసుకున్నా. అందుకు తగ్గట్టే నా సినిమాలు ఉంటాయి.
ఈ కథకి శేష్నే ఎంచుకోవాలని ముందే నిర్ణయించుకున్నారా?
కథని, పాత్రల్ని బట్టే నటుల్ని ఎంచుకోవాలనుకుంటా. ‘హిట్ 2’ పతాక సన్నివేశాల్ని రాస్తున్నప్పుడు నాకు కేడీ పాత్రలో అడివి శేష్ కనిపించారు. ఆయనతో పాటు, మరో ఇద్దరు ముగ్గురు హీరోలు కూడా మనసులో ఉన్నారు. నానికి అడివి శేష్ పేరు చెప్పాక... వెళ్లి అడుగు అన్నారు. థ్రిల్లర్ కథలు శేష్ చాలా చేశారు. కానీ ఈ కథలో కాస్త వెటకారం కూడా ఉంటుంది. అందులో తననైతే కొత్తగా చూపించొచ్చనిపించింది. వెళ్లి కథ చెప్పగానే తను చేయడానికి అంగీకారం తెలిపారు.
‘హిట్’ కోసం ఓ సీజన్ని సృష్టించమని దర్శకుడు రాజమౌళి సలహా ఇచ్చారు కదా...!
అది చాలా మంచి ఆలోచన. నాని కూడా అదే అన్నారు. అలా చేయాలంటే నేను ‘హిట్’ సినిమాలు తప్ప మరొకటి చేయకూడదు.
హిందీలో ‘హిట్’ తొలి భాగాన్ని రీమేక్ చేశారు కదా, అలా ఈ సినిమా చేస్తారా?
ఇక రీమేక్ కథలు చేయను. ఒకవేళ హిందీలో హిట్ కథల్నే చేయాలనుకుంటే, మరో కొత్త కథని తీస్తా. అక్కడ ఓటీటీల్లో ముందే చూసేస్తున్నారు. పైగా రీమేక్ చేస్తే అక్కడ ప్రేక్షకులు తిడుతున్నారు. ‘దక్షిణాదిలో ఎవరో ఓ మంచి కథ రాసి చేస్తే, దాన్ని ఇక్కడ రీమేక్ చేస్తున్నాడు చూడు’ అంటున్నారు. అక్కడ తీసింది కూడా నేనే అని చెప్పుకోవల్సి వచ్చింది (నవ్వుతూ).
తదుపరి మీరు చేయబోయే సినిమా హిట్ ఫ్రాంచైజీలో భాగంగానే ఉంటుందా?
వేరే కథలు కూడా సిద్ధంగా ఉన్నాయి. సంభాషణలతో సహా మూడు కథల్ని రాసుకున్నా. రాజమౌళి సర్ చెప్పినట్టుగా చేద్దామని నాని అంటే... నేను ఈ ఫ్రాంచైజీతోనే ప్రయాణం చేయాల్సి ఉంటుంది. డిసెంబరు 2న సినిమా విడుదలయ్యాక మా నిర్ణయంపై స్పష్టత వస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
ఈ చిట్టితల్లికి కష్టమొచ్చింది!
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?