Shah Rukh Khan: బాలీవుడ్‌ హీరో షారుక్‌ ఖాన్‌కు ప్రమాదం..!

ఇంటర్నెట్‌ డెస్క్‌: ప్రముఖ బాలీవుడ్ హీరో షారుక్‌ ఖాన్‌కు ( Shah Rukh Khan) ప్రమాదం జరిగినట్లు తెలుస్తోంది. అమెరికాలోని లాస్‌ ఏంజిల్స్‌లో ఓ సినిమా చిత్రీకరణ జరుగుతుండగా షారుక్‌ ప్రమాదానికి గురయ్యారట. ఈ ప్రమాదంలో ఆయన ముక్కుకు గాయమైందని వార్తలు వస్తున్నాయి. వైద్యులు ఆయనకు శస్త్రచికిత్స చేశారని.. ప్రస్తుతం భారత్‌కు తిరిగి వచ్చారని, ఆయన ఆరోగ్యం బాగానే ఉందని సమాచారం. అయితే ఈ ప్రమాదం ఎప్పుడు జరిగిందనే దానిపై స్పష్టత లేదు.

ప్రస్తుతం షారుక్‌ అట్లీ దర్శకత్వంలో ‘జవాన్‌’లో (Jawan) నటిస్తున్నారు. ఈ చిత్రం సెప్టెంబర్‌ 7న ప్రేక్షకుల ముందుకు రానుంది. షారుక్‌ సరసన నయనతార నటిస్తోన్న ఈ సినిమాలో విజయ్‌ సేతుపతి, సన్యా మల్హోత్రా, ప్రియమణి కీలక పాత్రలు పోషిస్తున్నారు. ఇక ఈ మూవీలో బాలీవుడ్‌ స్టార్‌ హీరోయిన్ దీపికా పదుకొణె అతిథి పాత్రలో కనిపించనుంది. అలాగే రాజ్‌కుమార్‌ హిరాణీ దర్శకత్వంలో ‘డుంకీ’(Dunki)లోనూ షారుక్‌ ఖాన్‌ నటిస్తున్నారు.