Cinema News: అదృష్టం తలుపు తట్టినా...తీయలేదు
నటనకు, నటుడికి హద్దులు ఉండవంటారు. మంచి పాత్ర కోసం ఏ భాషల్లో నటించడానికైనా సిద్ధంగా ఉంటేనే నటుడిగా ఎక్కువమందికి చేరువకాలుగుతారు. విశ్వవ్యాప్తంగా ప్రేక్షకుల్ని అలరించాలంటే ఉన్న దారి హాలీవుడ్....
హాలీవుడ్ అవకాశాలను చేజార్చుకున్న బాలీవుడ్ తారలు
నటనకు, నటుడికి హద్దులు ఉండవంటారు. మంచి పాత్ర కోసం ఏ భాషల్లో నటించడానికైనా సిద్ధంగా ఉంటేనే నటుడిగా ఎక్కువమందికి చేరువకాలుగుతారు. విశ్వవ్యాప్తంగా ప్రేక్షకుల్ని అలరించాలంటే ఉన్న దారి హాలీవుడ్. అక్కడ ఛాన్స్ వస్తే అదో బంగారు అవకాశమే. ఎందుకంటే హాలీవుడ్ అంటే ప్రపంచమంతా చూస్తారు. అద్భుతంగా నటిస్తే విశ్వవ్యాప్తంగా అభిమానులు దక్కుతారు. అందుకే ప్రియాంక చోప్రా, దీపికా పదుకొణె లాంటి భామలు హాలీవుడ్లో సత్తా చాటుతున్నారు. ప్రియాంక అయితే అక్కడి వాణ్నే పెళ్లి చేసుకొని మరింత వేగంగా హాలీవుడ్లో ముందు కెళుతుంది. కానీ ఈ ఇద్దరూ ఒకప్పుడు హాలీవుడ్ భారీ చిత్రాల్లో నటించే అవకాశాన్ని వదిలేసుకున్నారు. ఈ ఇద్దరే కాదు షారుక్ ఖాన్, హృతిక్ రోషన్, ఐశ్వర్యరాయ్ బచ్చన్ లాంటి అగ్ర నటులు రకరకాల కారణాలతో అదే పని చేశారు. మరి వీళ్లంతా ఏ కారణాలతో గోల్డెన్ ఛాన్స్లను మిస్ చేసుకున్నారో చదివేద్దాం!
దీపికా పదుకొణె
2017లో విన్ డీజిల్ ప్రధాన పాత్రల్లో వచ్చిన ‘ట్రిప్లెక్స్: ది రిటర్న్ ఆఫ్ జాండర్ కేజ్’ చిత్రంతో హాలీవుడ్లో అడుగుపెట్టింది దీపికా పదుకొణె. ఇప్పుడు మరో భారీ హాలీవుడ్ చిత్రంలో నటిస్తోంది. 2015లోనే దీపికాకు విన్ డీజిల్ నటించిన ‘ఫాస్ట్ అండ్ ఫ్యూరియస్ 7’లో ఛాన్స్ వచ్చింది. కాల్షీట్లు కుదరకపోవడంతో నో చెప్పేసింది. ఓ ఇంటర్వ్యూలో మాట్లాడుతూ ‘‘ఫాస్ట్ అండ్ ఫ్యూరియస్ 7’ విషయంలో నా నిర్ణయం ఆ పరిస్థితుల్లో తప్పుకాద’’ని చెప్పింది.
ఐశ్వర్యరాయ్
‘ప్రొఓక్డ్’, ‘బ్రిడ్జ్ అండ్ ప్రీజ్యుడిష్’, ‘పింక్ పాంథర్ 2’ తదితర చిత్రాల్లో ఐశ్వర్య నటించింది. ఆమెకు ప్రపంచవ్యాప్తంగా అభిమానులున్నారు. 2004లో వచ్చిన ‘ట్రోయ్’ చిత్రంలో ఐశ్వర్యకు అవకాశం వచ్చింది. వసూళ్లు కొల్లగొట్టిన ఆ చిత్రంలో నటించడానికి ఆమె అంగీకరించలేదు. శృంగార సన్నివేశాల గాఢత ఎక్కువగా ఉండటంతో ఆమె ఆ ఛాన్స్ను వదలుకున్నారు
ప్రియాంక చోప్రా
అందాల నాయిక ప్రియాంక చోప్రా ఇప్పటికే పలు హాలీవుడ్ చిత్రాల్లోనూ, సిరీస్ల్లోనూ నటించింది. ఇంతలా అక్కడ సందడి చేస్తున్న ప్రియాంక గతంలో ఓ భారీహాలీవుడ్ ఛాన్స్ను వదులుకొంది. 75 మిలియన్ డాలర్ల బడ్జెట్తో తెరకెక్కి 226 మిలియన్ డాలర్లు వసూలు చేసిన ‘ఇమ్మోర్టల్స్’లో నటించమని ప్రియాంకను అడిగారు. ఆ సమయంలో ఆమె కాల్షీట్లు ఖాళీగా లేకపోవడంతో వదిలేసుకుంది. ఆ సమయంలో ‘7 ఖూన్ మాఫ్’ చిత్రంలో నటిస్తుంది. ఈ చిత్రం బాక్సాఫీసు వద్ద ఓ మాదిరి విజయంతో సరిపెట్టుకుంది. అప్పుడే ప్రియాంక హాలీవుడ్లో నటించి ఉంటే ఆమె కెరీర్ మరో స్థాయిలో ఉండేదేమో!
హృతిక్ రోషన్
హృతిక్ రోషన్ ఓ హాలీవుడ్ చిత్రంలో నటిస్తాడంటూ ఏళ్ల తరబడి వార్తలొస్తున్నా ఆయన నటించింది లేదు. హాలీవుడ్ చిత్రం ‘పింక్ పాంథర్ 2’లోని విసెంట్ పాత్ర కోసం హృతిక్నే సంప్రదించారు. తన బిజీ షెడ్యూల్స్ కారణంగా ఆయన ఆ ఛాన్స్ను వదిలేసుకున్నారు.
షారుక్ఖాన్
కింగ్ ఆఫ్ బాలీవుడ్గా పేరు తెచ్చుకున్న షారుక్ ఖాన్కు ప్రపంచవ్యాప్తంగా అభిమానులున్నారు. హాలీవుడ్లో ఆయనకి మంచి పేరుంది. ఈయన ఆస్కార్ పురస్కారాలు గెలుచుకున్న ‘స్లమ్ డాగ్ మిలీయనీర్’ లాంటి చిత్రంలో అవకాశాన్ని వదులుకున్నారు. ఇందులో క్విజ్ మాస్టర్ పాత్రని షారుక్ కాదనడంతో అనిల్కపూర్ నటించారు. ఈ విషయం గురించి ఓ సందర్భంలో షారుక్ మాట్లాడుతూ ‘‘నేను అలాంటి ఓ షో చేశాను. ఆ చిత్రంలో నటిస్తే మళ్లీ అలాంటి షో చూసిన అనుభూతే ప్రేక్షకులకు కలుగుతుంది. అందుకే ‘స్లమ్ డాగ్ మిలీయనీర్’లో నటించలేదు’’అని చెప్పారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పరిశ్రమను వదిలి వెళ్లాలనుకున్నా!
‘మురారి’, ‘ఇంద్ర’, ‘మన్మథుడు’లాంటి హిట్ చిత్రాలతో తెలుగు ప్రేక్షకులకు దగ్గరైన బాలీవుడ్ నాయిక సోనాలీ బెంద్రే. చాలా ఏళ్ల విరామం తర్వాత ‘ది బ్రోకెన్ న్యూస్’ అనే సిరీస్తో తెరపై కనిపించింది. -
ఆ అవకాశం ఎప్పటికైనా వస్తుంది
హాలీవుడ్ నుంచి వచ్చిన అవకాశాన్ని కొన్ని అనివార్య కారణాల వల్ల వదులుకున్నానంటోంది బాలీవుడ్ బ్యూటీ కత్రినా కైఫ్. మళ్లీ కచ్చితంగా అవకాశం వస్తుందని, అది తన సినీ ప్రయాణాన్ని మలుపు తిప్పుతుందన్న నమ్మకాన్ని వ్యక్తం చేస్తోంది. -
పాట లేదు ఆట మాత్రమే!
ఒకవైపు ‘ఫ్యామిలీస్టార్’ గురించి చర్చ జరుగుతుండగానే... మరోవైపు గౌతమ్ తిన్ననూరి దర్శకత్వం వహిస్తున్న కొత్త సినిమాతో బిజీ అయిపోయారు విజయ్ దేవరకొండ. -
అక్షయ్ కొత్త చిత్రం
‘బడే మియా ఛోటే మియా’తో ఇటీవలే ప్రేక్షకులను పలకరించారు బాలీవుడ్ కథానాయకుడు అక్షయ్ కుమార్. ప్రస్తుతం వరుస సినిమాలతో బిజీగా ఉన్న ఆయన.. -
ప్రేమ ‘పరదా’
అనుపమ పరమేశ్వరన్ ప్రధాన పాత్రధారిగా... ప్రవీణ్ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. -
అధునాతన సాంకేతికతతో..
సినిమా నిర్మాణానంతర పనులకి కావల్సిన అత్యాధునిక సాంకేతికతని అందుబాటులోకి తీసుకొచ్చినట్టు తెలిపారు శ్రీసారథి స్టూడియోస్ ఛైర్మన్ ఎం.ఎస్.ఆర్.వి.ప్రసాద్. -
ఆడపిల్లనే! ఐతే ఏంటంట?
చాందిని చౌదరి ప్రధాన పాత్రలో ప్రకాష్ దంతులూరి తెరకెక్కిస్తున్న చిత్రం ‘యేవమ్’. నవదీప్, పవన్ గోపరాజు సంయుక్తంగా నిర్మిస్తున్నారు. వశిష్ఠ సింహా, జై భారత్ తదితరులు కీలక పాత్రలు పోషిస్తున్నారు. -
శరవేగంగా ఓదెల 2
‘ఓదెల 2’తో ప్రేక్షకుల్ని అలరించేందుకు సిద్ధమవుతోంది తమన్నా. ఆమె ప్రధాన పాత్రలో నటిస్తున్న ఈ చిత్రాన్ని అశోక్ తేజ తెరకెక్కిస్తున్న సంగతి తెలిసిందే. -
గెలుపే లక్ష్యమైతే ఆట ఎలా ఆడితే ఏంటి?
ఆర్కే సాగర్ ప్రధాన పాత్రలో రాఘవ్ ఓంకార్ శశిధర్ తెరకెక్కించిన చిత్రం ‘ది100’. రమేశ్ కరుటూరి, వెంకీ పూషడపు, జె.తారక్ రామ్ సంయుక్తంగా నిర్మించారు. -
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్
‘ప్రసన్నవదనం’ సినిమా ప్రీ రిలీజ్ ఈవెంట్కు దర్శకుడు ముఖ్య అతిథిగా హాజరయ్యారు. ఆ వేదికపై సుహాస్ గురించి ఆసక్తికర విషయం చెప్పారు. -
కియారా కీలక పాత్ర.. అవన్నీ రూమర్సే!
కియారా అడ్వాణీ ఓ పాన్ ఇండియా చిత్రంలో కీలక పాత్ర పోషించనుందంటూ ప్రచారం జరిగింది. అది రూమరే అని స్పష్టత వచ్చింది.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/04/24)
-
విరాట్ - హార్దిక్కు నో ఛాన్స్.. ఈ లఖ్నవూ స్టార్కు ప్లేస్: భారత మాజీ క్రికెటర్
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!
-
అనుపమ ‘పరదా’.. అదితి ఆన్డ్యూటీ.. భూమీ భలే డ్రెస్సు!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
‘పుష్ప’ కేశవ రోల్కు సుహాస్ని అనుకున్నాం.. కానీ!: సుకుమార్