Arjuna Phalguna: అర్జునుడి పాట

శ్రీవిష్ణు కథానాయకుడిగా మ్యాట్నీ ఎంటర్‌టైన్‌మెంట్స్‌ పతాకంపై తెరకెక్కుతున్న చిత్రం ‘అర్జున ఫల్గుణ’. అమృత అయ్యర్‌ కథానాయిక. తేజ మర్ని దర్శకత్వం వహిస్తున్నారు. నిరంజన్‌ రెడ్డి, అన్వేష్‌ రెడ్డి నిర్మాతలు. ఈ సినిమాలోని ‘కాపాడేవా? రాపాడేవా?’ అంటూ సాగే పాటని బుధవారం విడుదల చేశారు. నాయకానాయికలతోపాటు మిత్రబృందం కనిపించే ఈ పాట శక్తివంతంగా సాగుతూ, చిత్రానికి ప్రధాన ఆకర్షణగా  నిలుస్తుందని సినీ వర్గాలు తెలిపాయి. చైతన్య ప్రసాద్‌ రచించిన ఈ గీతాన్ని మోహన భోగరాజు ఆలపించారు. ప్రియదర్శన్‌ బాలసుబ్రహ్మణ్యన్‌ సంగీతం అందించారు. నరేష్‌, శివాజీరాజా, సుబ్బరాజు, దేవీప్రసాద్‌ తదితరులు నటించిన ఈ చిత్రానికి సంభాషణలు: సుధీర్‌వర్మ, ఛాయాగ్రహణం: జగదీష్‌ చీకటి.