Nallamala: మల్లెపూలన్ని కుల్లుకునేలా ఏమున్నవే పిల్ల ఏమున్నవే
ప్రియుడు ప్రియురాలిని వర్ణిస్తూ సాగే రకరకాల పాటలను ఎన్నో విన్నాం. ఏ పాటకు ఆ పాట ప్రేక్షకులను ప్రేమలోకంలో విహరింపజేసేది. ఈ క్రమంలో చాలా మంది గేయ రచయితలు కథానాయికలను...
చిత్రం: నల్లమల; దర్శకత్వం: రవి చరణ్; సంగీతం-సాహిత్యం: పి.ఆర్.(పెద్దపల్లి రోహిత్); పాట: ఏమున్నావే పిల్ల; గానం: సిద్ శ్రీరామ్;
పల్లవి:
లేత లేగ దూడ పిల్ల తాగే
పొదుగులోని పాల రంగు నువ్వే
పచ్చ పైరు వోణి ఒంటికేసుకొని ...ఏమున్నవే
నింగి సాటుకున్న సినుకు నువ్వే
సూటిగా దూకేసి తాకినావే
ఎలిసిపోని వాన జల్లులాగా ఏమున్నవే
మల్లెపూలన్ని కుల్లుకునేలా
ఏమున్నవే పిల్ల ఏమ్మునవే
తేనె తీగలన్నీ సుట్టుముట్టేలా
ఏమున్నవే పిల్ల ఏమున్నవే
సూరీడు సూడు పొద్దు దాటిన
నిన్ను సూసి పోలేడే
సీకటి దాటిన సందురుడు
దాగేలాగా ఏమున్నవే
ఏమున్నవే పిల్ల ఏమున్నవే
అందంతో బంధించావే
ఏమున్నవే పిల్ల ఏమున్నవే
సూపుల్తో సంపేసావే
ఏమున్నవే పిల్ల ఏమున్నవే
మాటల్లో ముంచేసావే
ఏమున్నవే పిల్ల ఏమున్నవే
నవ్వుల్తో ఊపిరి ఆపేసావే
చరణం 1:
తొలిసినుకు సేరి
ఈ నేల గాలి
గుప్పించే మట్టి సువాసన నీదే
పొత్తిల్లో దాగి
ముద్దుల్లో తేలే
పసిపిల్ల బుగ్గల్లో నునుపే నీది
నువ్వు నడిసే నడకల్లో
నది పొంగుల హంగుంది
లేత నడుము మడతల్లో
ఈ మాయల మనసుంది
వాలే రెండు కన్నుల్లో
బోలెడంత సిగ్గు దాగుంది
వాలు జడ గుత్తుల్లో
ఈ భూగోళం మొత్తముంది ।।ఏమున్నవే పిల్ల।।
చరణం 2:
ఎగిరేటి సిలుకా
గోరింక వంకా
ఓరా కన్నేసి సూసింది సూడు
తరిగేటి సొగసా
కాదేమో బహుశా
అయినా నవ్వేసి వచ్చింది నేడు
కారు మబ్బు సీకట్లో
నీ వెన్నెల నవ్వుంది
ఆరు బయట వాకిట్లో
ఆ సుక్కల ముగ్గుంది
జంట అయ్యే దారుల్లో
నీ సిగ్గుల అడ్డుంది
వెంట వచ్చే అడుగుల్లో
జన్మ జన్మల తోడుంది ।।ఏమున్నవే పిల్ల।।
ప్రియుడు ప్రియురాలిని వర్ణిస్తూ సాగే రకరకాల పాటలను ఎన్నో విన్నాం. ఏ పాటకు ఆ పాట ప్రేక్షకులను ప్రేమలోకంలో విహరింపజేసేది. ఈ క్రమంలో చాలా మంది గేయ రచయితలు కథానాయికలను ప్రకృతితో పోలుస్తూ పాటను అందంగా ముస్తాబు చేసేవారు. అదే ఒరవడిని యువ రచయిత, సంగీత దర్శకుడు పెద్దపల్లి రోహిత్ అలియాస్ పి.ఆర్. ఒడిసిపట్టుకున్నారు. నల్లమల చిత్రం కోసం తానే స్వయంగా సాహిత్యాన్ని, సంగీతాన్ని సమకూర్చి ‘‘ఏమున్నావే పిల్ల ఏమున్నావే’’ అంటూ పాటకట్టాడు. జానపద బాణీగా సాగే ఆ పాట సిద్ శ్రీరామ్ గొంతునుంచి జాలువారడంతో.... ప్రేక్షకులకు బాగా చేరువైంది. ఈ సందర్భంగా ఆ పాట ప్రత్యేకతలను పి.ఆర్. ‘ఈనాడు సినిమా’తో పంచుకున్నారు.
ఆన్లైన్లో పాడి...
నేను ఆదిలాబాద్ జిల్లా మంచిర్యాలలో పుట్టి పెరిగాను. హైదరాబాద్లో చదువుకున్నా. చిన్నప్పటి నుంచే పాటలు రాయడం నాకు అలవాటుగా మారింది. బీటెక్ చదువుతున్నప్పుడే సినిమా రంగంలోకి అడుగుపెట్టి కొన్ని లఘు చిత్రాలు, చిన్న చిన్న సినిమాలకు పాటలు రాశాను. కానీ నా పాటలకు సంగీత పరంగా న్యాయం జరగడం లేదని భావించా. సంగీతం నేర్చుకున్నాను. ఆ తర్వాత కొన్ని లఘుచిత్రాలు, వెబ్ సిరీస్లకు పాటలు రాసి, సంగీతాన్ని అందించాను. ఈ క్రమంలో వచ్చిన అవకాశమే ‘నల్లమల’ చిత్రం. రవి చరణ్ దర్శకత్వంలో చక్కటి కథతో త్వరలోనే ప్రేక్షకుల ముందుకు రానుంది. అయితే ఈ చిత్రంలో పాటలు చాలా ప్రత్యేకంగా ఉంటాయి. అందులో ఇటీవల విడుదలైన ‘ఏమున్నావే పిల్ల’ పాట మిలియన్ల కొద్ది ప్రేక్షకులను ఆకట్టుకుంటుంది. ఆ పాట జానపద బాణీలో ఉండాలన్నది మా దర్శకుడి ఆలోచన. పాట కంపోజ్ చేశాక సిద్ శ్రీరామ్ను సంప్రదించాం. తాను ఈ తరహాలో ఎప్పుడు పాడలేదు. పాడతానని మాటిచ్చారు. కానీ అప్పుడు సిద్ అమెరికాలో ఉన్నాడు. లాక్డౌన్ సమయం కావడంతో పాడటం ఎలా అనేదే ప్రశ్న. మా కోసం సిద్ శ్రీరామ్ అమెరికా నుంచి ఆన్లైన్లో పాడి వినిపించారు. దీనికి ముందు పదాలు పలికే విధానం, వాటి అర్థాలు తెలుసుకున్నారు. ప్రతి పదానికి భావం అడిగి తెలుసుకొని పాడి పంపించారు. కంపోజింగ్, లిరిక్స్ అంతా వారం రోజుల్లో పూర్తైంది. సిద్ శ్రీరామ్ పాడి పంపించాక మిక్సింగ్ చేసుకోడానికి మరో 10 రోజులు పట్టింది. 20 రోజుల్లో ఈ పాటను తయారు చేసి దర్శకుడికి ఇచ్చాను.
నల్లమల అటవీ ప్రాంతంలోని ఓ మారుమూల పల్లెలో నివసించే యువకుడు... తన మనసుకు నచ్చిన అమ్మాయి కోసం పాడుకునే పాట. ఆ విషయాన్ని అమ్మాయికి చెబుతూ తన చుట్టూ ఉన్న ప్రపంచంతో పోలుస్తూ పాడుతుంటాడు. దీనికి సాహిత్యం ఎలా ఉండాలని ఆలోచించా. పాటలోని భావం, వ్యక్తపరిచే పోలికలు ఆ ప్రాంతం దాటి పోకూడదు. అడవుల్లో తాను ఏవైతే చూస్తూ పెరిగాడో వాటిని పోల్చుకుంటూ అమ్మాయిని ఆరాధించాలి. అలా... లేత లేగదూడ తాగే పాల రంగుతో అమ్మాయి రంగును పోల్చాను. అమ్మాయి వస్త్రధారణను పచ్చటి పైరును ఒంటికేసుకున్నావని వర్ణించాను. ఎలిసిపోని వానజల్లు, మల్లెపూలన్ని కుళ్లుకుంటాయి, తేనెతీగలన్నీ చుట్టుముట్టినట్టు రాశా. అమ్మాయి అందాన్ని చూసి పొద్దు దాటినా ఇంకా సూర్యుడు రెప్ప వాల్చడం లేదని, చీకట్లో దాగిన చంద్రుడుతో పోలుస్తూ పాటలో చక్కటి భావం వచ్చేలా చూశాను. ఇలా... కథా నాయకుడు తనచుట్టూ ఉన్న ప్రకృతిలోని ప్రతి అంశాన్ని జోడిస్తూ ఎంతో ప్రేమగా పాడుకుంటాడు. కథలో సందర్భానుసారంగా వచ్చే పాట ఇది. సినిమా విజయానికి ఎంతో దోహదపడుతుంది. మా చిత్ర బృందమంతా కలిసికట్టుగా శ్రమించడం వల్లే ఈ రోజు మా పాటకు మంచి ఆదరణ లభిస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
తెలుగు ఇండస్ట్రీలో నటించాలంటే కష్టం.. ఎందుకంటే: సంయుక్తా మేనన్
మలయాళంతో పోలిస్తే తెలుగులో నటించడం కష్టమన్నారు నటి సయుక్తా మేనన్. -
పెళ్లి చేసుకోకపోవడానికి కారణమిదే: కోవై సరళ
నటి కోవై సరళ తాజాగా ఆలీతో సరదాగా కార్యక్రమానికి అతిథిగా హాజరయ్యారు. -
రివ్యూ: ప్రతినిధి2.. నారా రోహిత్ పొలిటికల్ డ్రామా ఎలా ఉంది?
Prathinidhi 2 Review: నారా రోహిత్ కీలక పాత్రలో నటించిన ‘ప్రతినిధి2’ ప్రేక్షకుల మెప్పించిందా? -
‘సికందర్’ సరసన రష్మిక
త్వరలో ‘పుష్ప 2’తో శ్రీవల్లిగా తెరపైకి రావడానికి ముస్తాబవుతోంది అందాల తార రష్మిక. -
రామోజీ ఫిల్మ్ సిటీలో.. కన్నప్ప సెట్లో
మంచు విష్ణు టైటిల్ పాత్రలో నటిస్తున్న పాన్ ఇండియా చిత్రం ‘కన్నప్ప’. -
అంధుడి పాత్రలో సైఫ్ అలీఖాన్?
పాత్ర బాగుంటే అది హీరోనా... విలనా అనేది చూడనంటారు ప్రముఖ బాలీవుడ్ నటుడు సైఫ్ అలీఖాన్. -
ప్రతినిధి 2 అలరిస్తుంది.. ఆలోచింపజేస్తుంది
‘‘ప్రస్తుత భారతదేశ రాజకీయాల్ని ప్రతిబింబించే చిత్రం ‘ప్రతినిధి 2’. ఇది ప్రత్యేకంగా ఏ ఒక్క పార్టీకో మేలు చేసేలా ఉండదు. -
మళ్లీ జాలీగా వచ్చేసింది పుష్ప
బాలీవుడ్లో నవ్వులు పూయించిన చిత్రాలు ఎన్నో. అందులో ‘జాలీ ఎల్ఎల్బీ’ ఫ్రాంచైజీ సినిమాలు కూడా ఉన్నాయనడంలో సందేహం లేదు. -
మాయావన్లో పోరు
సందీప్ కిషన్ హీరోగా నటిస్తున్న సైన్స్ ఫిక్షన్ చిత్రం ‘మాయావన్’. -
మరో కొత్త కథతో నయన్ సిద్ధం!
గతేడాది ‘జవాన్’తో సినీప్రియుల్ని మెప్పించిన అగ్రకథానాయిక నయనతార.. ప్రస్తుతం వరుస సినిమాలతో బిజీగా గడుపుతోంది. -
‘మాత్రు’.. ఓ థ్రిల్లర్ యాక్షన్ చిత్రం
సుగి విజయ్, రూపాలి భూషణ్ జంటగా... జాన్ జక్కీ దర్శకత్వంలో తెరకెక్కిన చిత్రం ‘మాత్రు’. -
భారతీయ పాటలకు లాస్ ఏంజెలిస్లో ఆస్కార్ గౌరవం
ఎన్నో ఏళ్లుగా కలగా నిలిచిపోయిన ప్రతిష్ఠాత్మకమైన అకాడమీ పురస్కారాన్ని అందుకొని.. భారతీయ సినిమా గొప్పతనాన్ని ఆస్కార్ వేదికపై సగర్వంగా నిలబెట్టింది ‘ఆర్ఆర్ఆర్’ చిత్రం. -
మరోసారి వాయిదా
విష్వక్ సేన్ హీరోగా కృష్ణ చైతన్య తెరకెక్కించిన చిత్రం ‘గ్యాంగ్స్ ఆఫ్ గోదావరి’. -
భయ్యాజీ ప్రతీకారం
‘భయ్యాజీ’.. ఎంతో ప్రేమగా చూసుకునే తన తమ్ముడిని చంపిన శత్రువులపై ప్రతీకారం తీర్చుకోవడానికి ఓ సోదరుడు చేస్తున్న పోరాటం ఆధారంగా రూపొందిన చిత్రమిది. -
చీరలో అదాశర్మ హొయలు.. ఈవెంట్లో మౌనీరాయ్ పోజులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
తెలుగు ఇండస్ట్రీలో నటించాలంటే కష్టం.. ఎందుకంటే: సంయుక్తా మేనన్
-
ఆటలో క్వాలిటీ ముఖ్యం.. ఆత్మగౌరవం కోసం ఆడే స్థితికొచ్చాం: విరాట్
-
వైభవంగా సింహాద్రి అప్పన్న చందనోత్సవం.. భారీగా తరలివచ్చిన భక్తులు
-
ఈడీ ఛార్జ్షీట్ నిందితుల జాబితాలో ఆప్ పేరు.. మద్యం కుంభకోణంలో కీలక పరిణామాలు
-
మోదీ పర్యటనపై వ్యాఖ్యలు.. ఇంకోసారి ఆ తప్పు జరగదన్న మాల్దీవులు
-
ఇరాన్ అదుపులో నౌక.. ఎట్టకేలకు భారత నావికుల్లో ఐదుగురికి విముక్తి