Cinema News: మలుపుల ‘పాయిజన్‌’

రమణ కథానాయకుడిగా రవిచంద్రన్‌ దర్శకత్వంలో తెర  కెక్కిన చిత్రం ‘పాయిజన్‌’. శిల్పిక.కె నిర్మాత. తెలుగుతోపాటు, తమిళం, కన్నడ, మలయాళం, హిందీ భాషల్లో చిత్రాన్ని ప్రేక్షకుల ముందుకు తీసుకొస్తున్నారు. ఇటీవల హైదరాబాద్‌లో ట్రైలర్‌ని విడుదల చేశారు. ఒక కథలో ఇన్ని ట్విస్టులా? అనే సంభాషణ ట్రైలర్‌లో వినిపిస్తుంది. ముఖ్య అతిథిగా హాజరైన నిర్మాత సి.కల్యాణ్‌ మాట్లాడుతూ ‘‘హాలీవుడ్‌ సినిమాని తలపించేలా ఉంది ట్రైలర్‌ చూస్తుంటే. ఈ నిర్మాతలకి సినిమా అంటే ప్రాణం. కథానాయకుడు రమణకి మంచి భవిష్యత్తు ఉంది. యువతరానికి ఈ సినిమా బాగా నచ్చుతుంద’’న్నారు. ‘‘భాషతో సంబంధం లేకుండా అందరికీ కనెక్ట్‌ అయ్యే అంశాలున్న కథ ఇది. అడుగడుగునా వచ్చే మలుపులు ఉత్కంఠని రేకెత్తిస్తాయి. కథానాయకుడు చాలా బాగా నటించాడు. ఎక్కడా రాజీ పడకుండా చిత్రాన్ని తీశారు నిర్మాత. తప్పకుండా   ప్రేక్షకుల్ని మెప్పిస్తాం’’ అన్నారు దర్శకుడు. ఈ కార్యక్రమంలో నిర్మాతలు పుప్పాల రమేష్‌, సాయివెంకట్‌, శోభారాణి తదితరులు పాల్గొన్నారు.