BJP: భాజపా పదాధికారుల సమావేశాలను ప్రారంభించిన నడ్డా

హైదరాబాద్‌: నగరంలోని హెచ్‌ఐసీసీ వేదికగా జరగనున్న భాజపా కార్యవర్గ సమావేశాలకు సర్వం సిద్ధం చేశారు. ఇవాళ, రేపు పార్టీ జాతీయ కార్యవర్గ సమావేశాలు జరగనున్నాయి. ఇందులో భాగంగా పార్టీ పదాధికారుల సమావేశాన్ని ఈ ఉదయం ఆ పార్టీ జాతీయ అధ్యక్షుడు జేపీ నడ్డా ప్రారంభించారు. ప్రధాని నరేంద్రమోదీ, కేంద్ర మంత్రులు, 18 రాష్ట్రాల సీఎంలు భేటీలో పాల్గొంటారు. మొత్తంగా 352 మంది ప్రతినిధులు సమావేశాల్లో పాల్గొననున్నారు. దేశంలోని రాజకీయ, సామాజిక పరిస్థితులపై కార్యవర్గ భేటీలో చర్చించనున్నారు. పార్టీ సంస్థాగత  నిర్మాణం వంటి కీలక అంశాలు భేటీలో చర్చకు రానున్నాయి. భాజపా రాజకీయ తీర్మానాలు, మోదీ 8 ఏళ్ల పాలనాంశాలను ప్రజల్లోకి తీసుకెళ్లడం, రాష్ట్రంలో తెరాస పాలనకు తెరదించడం, భాజపాను తెలంగాణలో అధికారంలోకి తీసుకురావడంపై కార్యవర్గ సమావేశంలో చర్చించేందుకు అవకాశం ఉంది.