నేడు షర్మిల పాదయాత్ర పునఃప్రారంభం

మధ్యాహ్నం గవర్నర్‌తో భేటీ అనంతరం నర్సంపేటకు పయనం

ఈనాడు, హైదరాబాద్‌: వైతెపా రాష్ట్ర అధ్యక్షురాలు వై.ఎస్‌.షర్మిల ప్రజా ప్రస్థానం పాదయాత్ర గురువారం మధ్యాహ్నం 3.30 గంటలకు పునఃప్రారంభం కానుంది.  మధ్యాహ్నం 12 గంటలకు రాష్ట్ర గవర్నర్‌ తమిళిసైతో రాజ్‌భవన్‌లో భేటీ అవుతారు. అనంతరం షర్మిల నర్సంపేటకు పయనమై ఆ నియోజకవర్గం చెన్నారావుపేట మండలం శంకరమ్మతండా నుంచి పాదయాత్రను తిరిగి మొదలు పెడతారని పార్టీ వర్గాలు బుధవారం విడుదల చేసిన ప్రకటనలో తెలిపాయి. తొలిరోజు లింగగిరి, నెక్కొండ మండలం తోపనగడ్డతండా, నెక్కొండ మీదుగా 224వ రోజు ప్రజా ప్రస్థానం సాగుతుందని పేర్కొన్నాయి. సాయంత్రం 5.30 గంటలకు నెక్కొండ మండల కేంద్రంలో మాట-ముచ్చట కార్యక్రమం ఉంటుంది.