హైదరాబాద్‌కు ఠాక్రే.. రేవంత్‌తో భేటీ

గాంధీభవన్‌, న్యూస్‌టుడే: కాంగ్రెస్‌ పార్టీ తెలంగాణ రాష్ట్ర వ్యవహారాల ఇన్‌ఛార్జి మాణిక్‌రావ్‌ ఠాక్రే గురువారం హైదరాబాద్‌కు వచ్చారు. పీసీసీ అధ్యక్షుడు, ఎంపీ రేవంత్‌రెడ్డి, ఏఐసీసీ ఇన్‌ఛార్జి కార్యదర్శులు బోసురాజు, రోహిత్‌ చౌదరీలతో హైదర్‌గూడ ఎమ్మెల్యే క్వార్టర్స్‌లో సమావేశమయ్యారు. హాథ్‌ సే హాథ్‌ జోడో పాదయాత్రపై రేవంత్‌తో చర్చించారు. పీసీసీ నేతల పాదయాత్రల తీరుపై ఆరా తీశారు. పెండింగ్‌లో ఉన్న డీసీసీ అధ్యక్షులు, ఇతర పదవులపై, రాష్ట్రంలో తాజా రాజకీయాలు, టీఎస్‌పీఎస్సీ ప్రశ్నపత్రాల లీకేజీపై కూడా చర్చ జరిగింది. పాదయాత్రలో ఉన్న సీఎల్పీ నేత  భట్టి విక్రమార్కతోనూ ఠాక్రే జూమ్‌లో మాట్లాడారు.