‘రాహుల్‌ గాంధీపై అనర్హత వేటు అప్రజాస్వామికం’

విజయవాడ (గవర్నర్‌పేట), న్యూస్‌టుడే: కాంగ్రెస్‌ అగ్రనేత రాహుల్‌ గాంధీపై అనర్హత వేటు వేయడం అప్రజాస్వామికమని పీసీసీ అధ్యక్షుడు గిడుగు రుద్రరాజు ఆగ్రహం వ్యక్తం చేశారు. ఈ నిర్ణయాన్ని వ్యతిరేకిస్తూ సోమవారం రాత్రి విజయవాడ నగరం లెనిన్‌ కూడలిలో కాగడాలతో నిరసన వ్యక్తం చేశారు. ఈ సందర్భంగా రుద్రరాజు మాట్లాడుతూ.. రాహుల్‌ గాంధీని సస్పెండ్‌ చేసిన రోజునే క్వార్టర్స్‌ ఖాళీ చేయాలని నోటీసులు ఇవ్వటం దుర్మార్గమని ఆవేదన వ్యక్తం చేశారు. కార్యక్రమంలో పీసీసీ కార్యనిర్వాహక అధ్యక్షురాలు సుంకర పద్మశ్రీ, ఏఐసీసీ సభ్యులు నరహరశెట్టి నరసింహారావు తదితరులు పాల్గొన్నారు.