నూతన పార్లమెంట్‌ భవనం ‘పరివర్తన’కు నిలయం

తెదేపా అధినేత చంద్రబాబు ట్వీట్‌

ఈనాడు డిజిటల్‌, అమరావతి : భారత నూతన పార్లమెంట్‌ భవనం దేశ పరివర్తన విధానానికి, నిర్ణయం తీసుకునే శక్తికి నిలయంగా మారాలని తెదేపా అధినేత చంద్రబాబు అభిలషించారు. దేశం గర్వించదగ్గ ఈ ఘట్టంలో తానూ భాగస్వామిగా మారడంపై సంతోషం వ్యక్తం చేశారు. ప్రధాని నరేంద్రమోదీ, కేంద్ర ప్రభుత్వం సహా ఈ చారిత్రక నిర్మాణానికి సహకరించిన ప్రతి ఒక్కరికీ గురువారం ట్విటర్‌ వేదికగా అభినందనలు తెలిపారు. 100 ఏళ్ల స్వాతంత్య్ర దినోత్సవం జరుపుకొనే నాటికి ఆర్థిక అసమానతలు లేని సమాజంగా తీర్చిదిద్దేలా పార్లమెంటులో నిర్ణయాలు జరగాలని ఆయన అభిలషించారు.