YVB Rajendra Prasad: తెదేపా నేత వైవీబీ రాజేంద్రప్రసాద్‌కు గుండెపోటు

విజయవాడ: తెదేపా మాజీ ఎమ్మెల్సీ వైవీబీ రాజేంద్రప్రసాద్‌ అస్వస్థతకు గురయ్యారు. ఆయనకు గుండెపోటు రావడంతో కుటుంబసభ్యులు విజయవాడలోని రమేశ్‌ ఆస్పత్రికి తరలించారు. ప్రస్తుతం ఆయనకు అక్కడ చికిత్స కొనసాగుతోంది. రాజేంద్రప్రసాద్‌కు ఎలాంటి ప్రాణాపాయం లేదని వైద్యులు తెలిపారు. యాంజియోగ్రామ్‌ చేసి పూర్తి వివరాలు వెల్లడిస్తామని చెప్పారు.

ఫోన్‌లో చంద్రబాబు పరామర్శ

వైవీబీ రాజేంద్రప్రసాద్‌ను తెదేపా అధినేత చంద్రబాబు ఫోన్‌లో పరామర్శించారు. ధైర్యంగా ఉండాలని ఆయనకు సూచించారు. వైద్యులతోనూ మాట్లాడి రాజేంద్ర ప్రసాద్‌ ఆరోగ్య పరిస్థితిని అడిగి తెలుసుకున్నారు. ఆయన ఆరోగ్యం నిలకడగా ఉందని.. ప్రాణహాని లేదని చంద్రబాబుకు వైద్యులు తెలిపారు.