KTR: పార్టీ.. కార్యకర్తల మధ్య సమన్వయం లోపించిన విషయం వాస్తవమే: కేటీఆర్‌

హైదరాబాద్: కారు సర్వీసింగ్‌కు పోయిందని.. తిరిగి వంద స్పీడుతో వస్తుందని భారాస కార్యనిర్వాహక అధ్యక్షుడు కేటీఆర్‌ అన్నారు. గత పదేళ్లలో పార్టీ, కార్యకర్తల మధ్య సమన్వయం లోపించిన విషయం వాస్తవమేనన్నారు. చేవెళ్లలో పార్టీ కార్యకర్తల సమావేశంలో కేటీఆర్‌ మాట్లాడారు. ‘‘కాంగ్రెస్‌ పాలనలో 6.50 లక్షల మంది ఆటో డ్రైవర్లు రోడ్డున పడ్డారు. కనీసం మంత్రిగా కూడా పని చేయని వ్యక్తిని రాష్ట్ర ముఖ్యమంత్రిని చేస్తే ఇలాగే ఉంటుంది. ఇప్పటివరకు రైతుబంధు డబ్బులు పడలేదు. కేసీఆర్‌ ప్రభుత్వంలో సమయానికి పెట్టుబడి సాయం అందించాం. అధికారంలోకి వచ్చిన 50 రోజుల్లోనే ఈ ప్రభుత్వం తీవ్ర వ్యతిరేకత ఎదుర్కొంటోంది’’ అని పేర్కొన్నారు.