Raghurama: నాపై థర్డ్‌ డిగ్రీ ప్రయోగించారు

ఎన్‌హెచ్‌ఆర్‌సీ ఛైర్మన్‌కు ఎంపీ రఘురామ ఫిర్యాదు

దిల్లీ: నర్సాపురం ఎంపీ రఘురామకృష్ణరాజు జాతీయ మానవహక్కుల సంఘం(ఎన్‌హెచ్‌ఆర్‌సీ) ఛైర్మన్‌ జస్టిస్‌ పి.సి.పంత్‌తో సమావేశమయ్యారు. ఏపీ సీఐడీ అధికారులు వ్యవహరించిన తీరును ఆయన స్వయంగా వివరించారు. సీఐడీ పోలీసులు విచారణలో తనపై థర్డ్‌ డిగ్రీ ప్రయోగించారని.. మానవహక్కుల ఉల్లంఘనకు పాల్పడ్డారని ఆయన ఫిర్యాదు చేశారు. ఈ మొత్తం వ్యవహారంపై విచారణ చేస్తామని ఎన్‌హెచ్‌ఆర్‌సీ ఛైర్మన్‌ రఘురామకు తెలిపినట్లు సమాచారం.

ఏపీ సీఐడీ రఘురామను అరెస్ట్‌ చేసిన అనంతరం ఎన్‌హెచ్‌ఆర్‌సీకి ఆయన కుమారుడు భరత్‌ ఫిర్యాదు చేశారు. భరత్‌ ఫిర్యాదు నేపథ్యంలో అంతర్గత విచారణకు ఆదేశించిన ఎన్‌హెచ్‌ఆర్‌సీ.. ఏపీ ప్రభుత్వం, డీజీపీ, సీఐడీకి నోటీసులు జారీ చేసిన విషయం తెలిసిందే.